RINALATAN 27:24 - Tanou Moonsoi Timugon

²⁴ Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

RINALATAN 27:24 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 39:23

Kalo pana boo kondoyon ru tingganai magagalung no atan ondo' pinakandayan no ri Jusup, sabap ra magalung Tuhan no ri Jusup saboi iawo io ra atan ayuk kondoyon nano.

KASAUKAN 39:5

Intor raginio, mimpuun ri Jusup, nambarakat Tuhan ra ngaangai' ulun ra baloi ru ulun ru Misir no, ngaangai' rapu' nano ondo' soroi ra baloi am ondo' soroi ra umo nano.

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

1 RAJA'-RAJA' 17:13

Kon ri Ilia riso, “Pai' kaimamang. Ongoi no pangatang ra akanon muno. Kaa' kalo poyo raginio, pagulu baalo' ruti' boborok intor ra tapung am umau no am atari' raki'. Mopongo raginio baalo' ruti' no koson akanon min magina',

2 RAJA'-RAJA' 6:16

Kon ri Ilisa, “Pai' kalaa', ondo' bala takau masuang poyo intor risilo no.”

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

DANIL 2:24

Kopongo raginio ongoi i Danil ri Ariok, ulun ondo' sinusub koson mamatoi ra ulun-ulun maminson ra raja'. Kon ri Danil riso, “Pai' potoyo' ulun-ulun maminson no. Ibito' aku muma' ra raja' am mambala' aku ra arati' ru inupi ru raja'.”

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

JUANIS 11:9

Indagu i Jisus, “Orou ti matawang mopor am ruo nganjam. Amon ru sasangulun no mugar ra matawang, kalo makasaru io, sabap ra makito no ralan.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”

RINALATAN 25:11

Amon ru inanggal ku ukum am nambaal ra kalaatan ondo' maukum ra potoyon, polosoon ayuk aku potoyon. Kaa' amon ru panguwan nilai no kalo motopot, kolondo' sangulun pana makakuasa' mampataak raki' risilo. Kitaakon ku ra aku bisaraan ru Kaisar Roma galama'!”

RINALATAN 27:31

Kaa' indagu i Paulus ra saujor am niayuk tingganai nilai, “Amon ru mangngandoi ra kapal kalo sumoroi ra kapal ti, akau pana ngaangai' kalo noyo lair maayag.”

RINALATAN 27:37

Suang mai ondo' minaya' ra kapal i am 276 ngaulun ringai'.

RINALATAN 27:42

Saujor-saujor makaguang mamatoi ra ngaangai' ulun inaput no, sabap ra malaa' ilo ra makapansarui lair ulun-ulun inaput no ra lantur am magiru'.

RINALATAN 27:44

Ondo' bokon siminunu' ayuk boo ra giminuut ra kuliamos ra makalabui kapoam pilang ru kapal i. Koson raginio noyo nakasuku' akai ngai' ra lantur am naayag.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

PILIMON 1:22

Liliwa' raginio, pongoono' raki' kalalair rondo' lamin giu' ra baloi muno, sabap ra malansan aku i Aki Kapuuno' mangiou niayuk ra pakiasian min ngaangai', koson mokoongoi aku po tuum saguli' ramuyun.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.