RINALATAN 27:21 - Tanou Moonsoi Timugon

²¹ Nabuoi noyo kalo nangakan ulun-ulun no, bigor boo i Paulus ra tatanga' nilai am indagu, “Pabukat kau ngaangai'! Amon ru giminagaya' kau ayuk ra ragu kuli ra kalo masundoi intor ra Krita, kalo lair maluusan am malunsayan takau koson ragitio.

RINALATAN 27:21 ပူးပေါင်းရင်းမြစ်များ

KASAUKAN 42:22

Indagu i Rubin, “Binalaan takamin noyo ra pai' min jamari' lalaing i, kaa' kalo inining min ragu kuli. Raino nalumaagan takau ra pinatayan nali.”

RINALATAN 27:12

Sotopot no kalo moonsoi muog ra intok raginio amon ru musim masimu'. Ginio ra kasuangan ru mangngandoi ra kapal no mangiou ra marayus ayuk masundoi am kuminam sumuku' ra Piniks am muog ra giu' i saboi musim masimu' ti makai'. Piniks ti rondo' raralan ru kapal ra pulu' Krita ondo' tumuma' ra kait am pamiris ru kalasaan.

RINALATAN 27:13

Kalo boo nabuoi ragili am ratong bagiu' siob-siob intor ra rabugus. Ginio ra pangkaraan nilai ra moonsoi niayuk ru masundoi noyo. Ginio boo posokoyo' nilo simbagat ru kapal i am pasundoi boo pansusug ra nagas ru pulu' Krita.

RINALATAN 27:20

Buoi kukula' ngoorou kalo nakakito akai ra mato ru orou kapoam butitin am bagiu' mapuor ti pana lakat ayuk poyo makalalaa' toojo. Pupus nali kolondo' boo kalansanan mai ra maayag akai poyo.

RINALATAN 27:7

Kaa' kukula' ngoorou maginut ayuk ugar ru kapal sinakayan maili sabap ra inayat ru bagiu' i. Pupus nali maar akai no makasuku' ra bandar Knidus. Sabap ra lakat ayuk poyo mapuor bagiu' i, kalo niayuk nakarayus akai. Intor raginio, pantabas akai ayuk boo mongoi ra rabugus ru pulu' Krita, mansail ra Tanjung Salmoni, koson kalo matiu' ra bagiu' no.