RINALATAN 27:12 - Tanou Moonsoi Timugon

¹² Sotopot no kalo moonsoi muog ra intok raginio amon ru musim masimu'. Ginio ra kasuangan ru mangngandoi ra kapal no mangiou ra marayus ayuk masundoi am kuminam sumuku' ra Piniks am muog ra giu' i saboi musim masimu' ti makai'. Piniks ti rondo' raralan ru kapal ra pulu' Krita ondo' tumuma' ra kait am pamiris ru kalasaan.

RINALATAN 27:12 ပူးပေါင်းရင်းမြစ်များ

MAZMUR 107:30

Maringkuanang ilo ra ngaangai' no limininos, am kapitin No ilo ra intok rurulan ru kapal.

RINALATAN 2:11

iou pana ulun ru Jaudi am niayuk ulun bansa' ra bokon ondo' siminubol noyo ra ugama Jaudi; am poyo mokoondo' minatong intor ra pulu' Krita am pagun Arab. Itakau ngaangai' makaining risilo mindagu ra ragu takau sigagama' intor ra baal kaimuagan ondo' sinauk ri Aki Kapuuno'!”

RINALATAN 27:13

Kalo boo nabuoi ragili am ratong bagiu' siob-siob intor ra rabugus. Ginio ra pangkaraan nilai ra moonsoi niayuk ru masundoi noyo. Ginio boo posokoyo' nilo simbagat ru kapal i am pasundoi boo pansusug ra nagas ru pulu' Krita.

RINALATAN 27:21

Nabuoi noyo kalo nangakan ulun-ulun no, bigor boo i Paulus ra tatanga' nilai am indagu, “Pabukat kau ngaangai'! Amon ru giminagaya' kau ayuk ra ragu kuli ra kalo masundoi intor ra Krita, kalo lair maluusan am malunsayan takau koson ragitio.

RINALATAN 27:7

Kaa' kukula' ngoorou maginut ayuk ugar ru kapal sinakayan maili sabap ra inayat ru bagiu' i. Pupus nali maar akai no makasuku' ra bandar Knidus. Sabap ra lakat ayuk poyo mapuor bagiu' i, kalo niayuk nakarayus akai. Intor raginio, pantabas akai ayuk boo mongoi ra rabugus ru pulu' Krita, mansail ra Tanjung Salmoni, koson kalo matiu' ra bagiu' no.

RINALATAN 27:8

Ra mapagon akai kaga' nansusug ra nagas ru pulu' i. Pupus i, nakasuku' akai ra rondo' intok ininggalanan ra Raralan Moonsoi, ondo' kalo niayuk maalur toojo intor ra bandar Lasia.

TITUS 1:12

Nakaili' niayuk sangulun nabi nilo galama' minindagu ra: “Ulun ru Krita masalok maabau-abau, malaat ilo kaga' koson ra bibiag masigo, moroot kaga' am mangatiar toojo.”

TITUS 1:5

Gitio noyo ra aku nanatang rirun ra Krita, maa' raginio mokopongo kou ra kandoi ondo' kalo poyo nopongo tali am mampasauk ra tingganai ru pasimpungan ulun Kristian ra tukir-tukir pamagunan ra giu'. Karaa' noyo nambilinan kuli rirun: