RINALATAN 26:5 - Tanou Moonsoi Timugon

⁵ Lair noyo nakaulig ilo toojo raki'. Amon ru masaga' ilo, makapangani' ilo ra kaintutunan ra intor ragili noyo minaya' aku ra tayar Parisi ondo' sumugut toojo ra ngaangai' kaulayan ru ugama mai.

RINALATAN 26:5 ပူးပေါင်းရင်းမြစ်များ

RINALATAN 15:5

Kaa' kukula' ngaulun ru Parisi ondo' nangintopot ri Jisus minindagu ra saang ru ngaangai', konilo, “Ulun Kristian ondo' sala' ka Jaudi musiti' sunatin am poyo sumugut toojo ra ngaangai' ru Ukum ri Musa.”

RINALATAN 22:3

“Ulun aku toojo ru Jaudi. Intor aku ra bandar Tarsus ra pagun Kilikia, kaa' giti ayuk ra Jirusalim ti nasukaran kuno am minigigila' aku ri Gamalil. Inila' aku toojo ra Ukum ri Musa ru kinamatuaan takau am patimpokon ku kaayagan kuno ri Aki Kapuuno' nogondo' ra akau ngaangai' ra orou raiti'.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 24:5

Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.