RINALATAN 26:28 - Tanou Moonsoi Timugon

²⁸ Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

RINALATAN 26:28 ပူးပေါင်းရင်းမြစ်များ

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 26:27

Raja' Agripa! Mangintopot kou kia ra rinagu ru nabi-nabi? Maaru' mangintopot kou niayuk!”

RINALATAN 26:29

Taam i Paulus, kono, “Mataki' kia kapoam mabuoi, ginio kalo maatang, kaa' makiasi' aku ri Aki Kapuuno' ra okou am ngaangai' ondo' mangkirongog raki' ra orou raiti' masauk niayuk ra Kristian koson raki'. Kaa' ondo' ayuk kalo am makaaya' rantayon.”

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

1 PITRUS 4:16

Kaa' amon ru maimbolo' kau sabap ra akau ulun Kristian, pai' kau kauyu' raginio. Paringkuanang kano ri Aki Kapuuno' ra akau inggalanin ra ulun Kristian.