RINALATAN 26:22 - Tanou Moonsoi Timugon

²² Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

RINALATAN 26:22 ပူးပေါင်းရင်းမြစ်များ

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

JUANIS 5:46

Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'.

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

ROMA 3:21

Kaa' raino manulu' i Aki Kapuuno' ra ralan ati kulaan itakau mobonsoi saguli' Riso. Ralan raginio sumiang intor ra Ukum ri Musa, kabalu' pana Ukum ri Musa am Kitab Nabi-Nabi nampaintutun noyo ritakau ra baal raginio.

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 26:17

Palabuson tokou intor ra ulun ru Israil am niayuk ulun sala' ka Jaudi. Susubon tokou poyo mongoi ra ulun sala' ka Jaudi

RINALATAN 26:6

Raino bisaraan aku ragiti sabap ra lakat aku poyo mangintopot ra bantu' ri Aki Kapuuno' ra kinamatuaan maili.

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

LUKAS 24:46

indagu Io, “Natulisan noyo ra Buuk Kitab ra Mamamayag ondo' sinusub ri Aki Kapuuno' i musiti' maimbolo' galing am bagu maayag saguli' malupus kataluan.

MAZMUR 124:8

Pangindangan ritakau ti intor ra Tuhan; ondo' namangun ra limbowon am tana' ti.

MAZMUR 66:12

Polosoon Mu pantula' manginjang ramon; pansailan maino liur am apui, kaa' raino inibit Mu akai ra intok ondo' langkaya'.

MAZMUR 18:47

Naayag Tuhan! Koompor noyo manunungka' kuno! Potonowo' noyo katulayan ri Aki Kapuuno' mamamayag kuno!

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

1 KORINTUS 15:4

linobong io, kaa' nalupus nataluan binayag io saguli'. Ginio niayuk natulisan noyo ra Buuk Kitab.