RINALATAN 26:13 - Tanou Moonsoi Timugon

¹³ Raja' Agripa, paat ra aku nangkiralan ra io tanga' ru orou ragili, mokoondo' pulusat silau intor ra limbowon ondo' mapaang kaga' intor ra mato ru orou. Silau i liminiput raki' am niayuk rangan-rangan kuli.

RINALATAN 26:13 ပူးပေါင်းရင်းမြစ်များ

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

RINALATAN 22:6

“Paat ra nangkiralanan ku ragili am maar makasaboi ra Damsyik i ra io tanga' ru orou, pulusat ru silau ondo' mapaang kaga' intor ra limbowon liminiput raki'.

RINALATAN 22:9

Ulun-ulun ondo' minaya' raki' nakakito ra silau i, kaa' kalo nokorongog ilo ra bolos ondo' minindagu raki'.

RINALATAN 26:12

“Ra koson raginio niayuk nakapagibit aku ra surat pangiawan intor ra tingganai-tingganai ru Jirusalim mongoi ra Damsyik.

RINALATAN 26:14

Laub akai boo ngaangai'. Mokobolos norongog ku minindagu raki' ra ragu Ibrani, kono, ‘Saulus, Saulus! Kua pangimbolo' kou Raki'? Marualan kou ayuk galama' amon ru manggal kou niayuk Raki'.’

RINALATAN 9:3

Ralalom pangkiralanan no mongoi ra Damsyik, paat ra io maar makasuku' ra giu' i, pulusat silau intor ra limbowon liminiput riso.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.