RINALATAN 25:8 - Tanou Moonsoi Timugon

⁸ Nagisaung i Paulus, “Kolondo' rondo' pana sala kutu ra Ukum ri Musa, ra Baloi Tuhan kapoam ra Kaisar Roma.”

RINALATAN 25:8 ပူးပေါင်းရင်းမြစ်များ

KASAUKAN 40:15

Sabap, sotopot no aku ti tinakou intor ra pagun ru ulun ru Ibrani, am giti ra pagun ru Misir ti pana, kalo nambaal aku ra atan ayuk pana kalaatan ondo' mangkinibit raki' ra aputon.”

JIRIMIA 37:18

Pangkuot aku boo riso, “Atan kia kasalaan kuno rirun raja', pagawai-pagawai muno, am mamagun, saboi pinasubol mu aku ra ralalom ru pangaputan?

DANIL 6:22

Taam i Danil, “Kaayag kono raja' ra sabuoi-buoi no!

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 24:12

Kalo nai igondo' ulun ru Jaudi nakakito raki' nanusuk ra ulun masuang giu' ra Baloi Tuhan, baloi sambayangan ra bokon kapoam giu' pana ra bandar.

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 24:6

Nangkinam io po mampajamol ra Baloi Tuhan, kaa' rokopo' mai io. [Bisaraan mai io raan maya' ra ukum ru ugama mai galama',

RINALATAN 25:10

Taam i Paulus, “Gitio noyo Makama Kaisar Roma. Giti ayuk pana pamisaraan raki'. Okou galama' niayuk nakapandai ra kolondo' sala kuno ra ulun ru Jaudi.

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

RINALATAN 28:21

Kaa' indagu ilo riso, “Kolondo' surat naapu mai intor ra Judia nambala' koson rirun. Kolondo' sangulun pana minatong intor ra giu' i nagibit ra pambalaan kapoam tanou ra kalaatan muli.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.