RINALATAN 25:25 - Tanou Moonsoi Timugon

²⁵ Kaa' kolondo' natuum kuno ra atan ayuk kasalaan nano ra io maalap kaukum ra potoyon. Io galama' nangitaak makibisara' io ri Kaisar, ginio ra pootoron ku io ra Kaisar.

RINALATAN 25:25 ပူးပေါင်းရင်းမြစ်များ

JIRIMIA 26:16

Tingganai-tingganai am mamagun pana minindagu boo risilo imam am nabi no, “Ulun ragitio minindagu ra ralalom inggalan ru Tuhan, i Aki Kapuuno' takau; musiti' io ukumin ra matoi.”

LUKAS 23:14

Indagu io risilo, “Pinauma' min ulun ti raki' am nambala' kau ra nampakalayau Io ra ulun masuang. Kaa' inilayan ku Io no toojo ra saang min, am kolondo' sala natuum kuno koson ra nanguwan min Riso i.

LUKAS 23:4

Indagu i Pilatus ra tingganai imam Jaudi am ulun masuang no, “Kolondo' sala ru ulun ti naalap ku koson mangukum Riso.”

JUANIS 18:38

Pangkuot i Pilatus Riso, “Atan nua' katapatan?” Pakapangkuot i Pilatus raginio, ingkual io poyo am indagu ra ulun-ulun ru Jaudi no, “Kolondo' rondo' pana sala natuum ku ra ulun ti.

RINALATAN 23:29

Pakatutun aku raiti am kolondo' sala natuum riso, koson makapangukum riso potoyon kapoam aputon, sabap ra panguwan nilai riso am intor ayuk ra ukum ru ugama nilai galama'.

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

RINALATAN 25:26

Kaa' kalo makapandai aku ra atan kia musiti' ku tulisin intor riso ra surat posoboyon kuno ra Kaisar. Ginio nai ra pinatuum ku io ramuyun am mulu' poyo okou, raja' Agripa. Binaal ku koson raginio ra mopongo io maimumuyan mu, bagu makapanulis aku ra surat.

RINALATAN 26:31

Pakaingkual ilo ayuk raiti am indagu ilo ra rondo' am bokon, “Kolondo' ra rondo' pana sala ru ulun ti ra io ukumin ra potoyon kapoam aputon.”

RINALATAN 27:1

Kopongo ilo nangaru' ra poongoyon akai ra pagun ru Itali, i Paulus am kukula' ngaulun ondo' inaput no pinaalungan ri Julius. Io ti sangulun tingganai ru saujor Roma intor ra tayar ondo' sabiton ra “Rejimen ru Kaisar”.

RINALATAN 28:18

Kaimumuyi' nilo toojo aku, makaguang ilo mampalabus raki', sabap ra kolondo' noyo kalaatan binaal kuno ra makapangukum ilo raki' ra potoyon.