RINALATAN 24:5 - Tanou Moonsoi Timugon

⁵ Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.

RINALATAN 24:5 ပူးပေါင်းရင်းမြစ်များ

ESTER 3:8

I Gaman pana nambala' boo ra raja', kono, “Raja' kuno, mokoondo' rondo' bansa' ondo' nokosoroi ra moonong wilayah giu' ra titikop ru pamarintaan mutu. Mokoondo' ilo ra kaulayan ondo' suai toojo ra kaulayan ru bansa' ra bokon. Ra mulu' poyo ra kalo gumagaya' ilo ra undang-undang ru pamarintaan. Ginio ra, moonsoi pai' mu polosoo' ilo mambaal ra kasagaan nilo.

JIRIMIA 37:13

Kaa' paat ra aku nakasaboi giu' ra Kulobon Garabang Binjamin, sangulun pagawai ru saujor ondo' nangandoi ra giu' no, ondo' ininggalanan ri Jiria anak ri Silimia am akupu ri Gananya, nonombot raki' am indagu, “Masaga' kou magiru' ra bala ru ulun Babilonia!”

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

AMOS 7:10

I Amajia, imam giu' ra Bitil, nangator ra pabalaan ti ra Raja' Jirobiam intor ra Israil, “I Amos tatanga' maguguum ra mamagun koson manggal rirun raja'. Ragu-ragu nano ondo' nanusuk ra mamagun mangkinibit ra pagun ti matutuk.

MATIUS 10:25

Atan baalon nilo ra mangingila', baalon nilo niayuk ra migigila', am atan baalon nilo ra tuan, baalon nilo niayuk ra ulipon. Amon ru puun ru baloi no sabiton ra Biiljibul, mapara' piboo laat ru ulun ru baloi raginio sabiton ru ulun.”

MATIUS 2:23

am mayan ra pekan Nasarit. Koson raginio nasauk ondo' rinagu ru nabi-nabi, “Io ti piawon ra ulun ru Nasarit.”

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

LUKAS 23:19

I Barabas inaput ra lamin pangaputan sabap ra nakaaya' io minanggal ra Parinta ondo' nasauk giu' ra bandar Jirusalim am sabap ra nampatoi io poyo.)

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

LUKAS 23:25

Palabuso' no boo ulun kinitaak nilai, ulun ondo' inaput ra lamin pangaputan sabap ra minanggal ra parinta am nampatoi. Pinoloso no ulun masuang no mambaal ra atan ayuk kasagaan nilai ri Jisus.

LUKAS 23:5

Kaa' gumogot ilo poyo, konilo, “Intor ra pangilaan Nano manusuk Io ra mamagun ru Judia manggal ra parinta. Timinalimpuun Io ra libung Galilia am nakasuku' noyo ragiti raino.”

RINALATAN 15:5

Kaa' kukula' ngaulun ru Parisi ondo' nangintopot ri Jisus minindagu ra saang ru ngaangai', konilo, “Ulun Kristian ondo' sala' ka Jaudi musiti' sunatin am poyo sumugut toojo ra ngaangai' ru Ukum ri Musa.”

RINALATAN 21:28

Golok ilo, “Pabukat kau ngaangai', ulun ru Israil! Makiindangan akai. Gitio noyo ulun ondo' mangila' ra ati ayuk intok ra ngaangai' ulun ra pangilaan ondo' manggal ra bansa' ru Israil, Ukum ri Musa am niayuk Baloi Tuhan ti. Mulu' poyo raino ti nagibit io piboo ra ulun ondo' sala' ka Jaudi sumubol ra Baloi Tuhan. Mampajamol io ra intok matulai ti.” (

RINALATAN 22:22

Ulun-ulun no lakat ayuk poyo nangkirongog ra atan rinagu ri Paulus, kaa' ondo' rinagu no ra pupus ti boo, golok ilo, “Potoyo' io! Kalo maaya' io maayag!”

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 24:4

Kaa' Tuan, koson kalo mangaawar ragu, raino makitaak aku ra rongogon mu panguwan mai ondo' mariwa' ti.

RINALATAN 25:7

Paat ri Paulus minatong, ulun ru Jaudi ondo' intor ra Jirusalim minongoi limpu riso am tumalimpuun manguu' riso ra maagat. Kaa' panguwan nilo ngaangai' kolondo' sasi'.

RINALATAN 26:5

Lair noyo nakaulig ilo toojo raki'. Amon ru masaga' ilo, makapangani' ilo ra kaintutunan ra intor ragili noyo minaya' aku ra tayar Parisi ondo' sumugut toojo ra ngaangai' kaulayan ru ugama mai.

RINALATAN 28:22

Kaa' akai pana masaga' mangkirongog ra pangkaraan muno. Sabap ra akai ngaangai' nakaining noyo ra pangilaan ondo' binayaan muno anggalon ra ati ayuk intok.”

RINALATAN 5:17

Tingganai Maayo Imam Jaudi am ngaangai' maamaya' nano, ondo' niayuk ulun ru Saduki, tumalimpuun gumuor sabap ra mangusolon ilo kaga' ra rasul-rasul.

RINALATAN 6:13

Susubo' nilo sasi' ondo' maabau-abau no mindagu koson raginio, “Ulun ti masalok magasab ra Baloi Tuhan am susuban ri Aki Kapuuno' ondo' tinulisan ralalom Ukum ri Musa.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

1 KORINTUS 4:13

paat ra akai uwin, ruliin mai ra ragu moonsoi. Saboi raino akai koson ra ginsamol ru tana' ti; akai noyo nasauk koson ra jamol ra pagilangan ru ulun.

1 PITRUS 2:19

Amon ru pantataan ayuk guang min ra akau ilaaton ru ulun ra kolondo' sasaban, sabap ra makatutun kau ra kasagaan ri Aki Kapuuno', barakaton No akau.