RINALATAN 24:26 - Tanou Moonsoi Timugon

²⁶ Liliwa' raginio, nalansan i Piliks niayuk ra makaalap io ra ruit pampalabus intor ri Paulus. Ginio sabap ra magail io ayuk manusub ri Paulus porotongon riso koson makimansunur io.

RINALATAN 24:26 ပူးပေါင်းရင်းမြစ်များ

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

GOSIA 4:18

Mopongo masuang inum ra wain, mantalan ilo ra inan ra guang maansayan. Masaga' ilo poyo asabin ka urumaton.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

AMSAL 29:4

Amon ru raja' mapaundok ra katimpakan, karajaan nano maikang, kaa' amon ru raja' mangangkum ra ruit, karajaan nano maaba'.

AMSAL 19:6

Moonong ulun gumogot koson mangalap ra guang ru ulun maayo, am masaga' kumubayau ra ulun mataau.

AMSAL 17:8

Sanganuan ulun mindagu rasua makabaal ra kaimuagan; mangintopot ilo ra ngaangai' no mabaal ru rasua.

AYUP 15:34

Ulun ondo' kalo nakaulig ri Aki Kapuuno' kolondo' noyo papag, am apui mamuso ra baloi ondo' binaal intor ra ampos ru inangkuman.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 8:3

Kaa' kalo namaya' ilo ra ama' nilono. Naguyum ilo ayuk ra kalabaan galama'; nangapu ilo ra rasua am nangakim ra mamagun ra kalo matanda'.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

KAINGKUALAN 23:8

Pai' apuo' taak pangambi', sabap ra taak pangambi' no mopobolou ra ulun ra atan ondo' motopot am mampalubat ra ulun kalo makasala.

MATIUS 17:3

Maamaya'-maamaya' Nano pana nakakito boo ri nabi Ilia am i nabi Musa makimansunur ri Jisus.