RINALATAN 24:25 - Tanou Moonsoi Timugon

²⁵ Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 24:25 ပူးပေါင်းရင်းမြစ်များ

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 22:19

am okou pana timinalikur intor ra tula am mininggana' kou ra saang Kuno. Rinilak mu bayang muno am niayuk nantangi' paat ra okou nangkirongog ra lolob Kuno ra Jirusalim am mamagun nano. Mangukum Aku ra Jirusalim ra masaran saboi inggalan nano masauk ra rondo' ulas, kaa' nokorongog Aku noyo ra pakiasian muno.

IJRA 10:3

Ibok no pagibot takau ri Aki Kapuuno' ra pagiruon takau ngaangai' ruandu' no am anak-anak nilo. Bayaan mai pinson muno am pinson ru ulun ondo' siminugut ra susuban ri Aki Kapuuno'. Gagayaan mai Ukum ri Aki Kapuuno'.

IJRA 10:9

Ralalom ru buoi talu ngoorou, iono paat ra orou karuo ngoopor ra sila' kasiam, ngaangai' ungkuyon ondo' minayan giu' ra tampilon ru Jiuda am Binjamin minatong ra Jirusalim am natimung giu' ra liliut Baloi ru Tuhan. Paat ra orou raginio, riminasam ra maawas. Ngaangai' ulun nonontol sabap ra nasimuan am niayuk sabap ra maatang pantuuman raginio.

AYUP 29:14

Timbalos kutu mabanis ra kolondo' jamar; masalok ku paundukon katimpakan.

MAZMUR 11:7

Tuhan noyo matimpok am monogom ra ulun ondo' moonsoi binaal; ulun moonsoi guang makakito am makaulig Riso.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

MAZMUR 72:2

maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

AMSAL 16:12

Raja' inggalarin mopoloso ra kalaatan, sabap ra katimpakan mapaikang ra pamarintaan.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

MAMPATANOU 5:8

Raja' pana malansan ra ampos kinumos.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

JISAYA 16:5

Kopongo raginio sangulun intor ra papag ri Raja' Daut masauk ra raja' ondo' mamarinta ra ulun nano ralalom katagaman am pampagagayaan. Raja' mataki' lumingat koson mambaal ra katapatan, am mapaundok ra katimpakan.)

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 41:21

Gini noyo Tuhan, raja' ru Israil mindagu, “Akau dewa ru bansa'-bansa', pasalulaa' noyo naguang mino, am pabalaa' noyo sasaban-sasaban no!

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

JIRIMIA 36:16

Kopongo raginio, motontong ilo ra rondo' am bokon ra malaa' am indagu ri Baruk, “Musiti' mai pabalaan gitio ra raja'.”

YEHEZKIEL 45:9

Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

GOSIA 10:12

Indagu Aku, ‘Ukabo' tana' bagu ra tayar min galama', tiasi' ra sampug ru katimpakan, am kumoso' barakat ondo' inampos ru kinotopot ru togom min Raki'. Nasaboi paat no ra akau sumaguli' Raki', Tuhan min; matong Aku am mampasasar ra barakat ramuyun.’

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

GOSIA 7:5

Paat ra bunsag maayo ru raja', binaal nilo raja' am niayuk pagawai-pagawai nano nanginum ra wain saboi nagauk am nambaal ra baal-baal sasambungon.

AMOS 5:24

Kaa', pirot kano maa' raginio katimpakan tumilis koson ra sungoi, am kabanisan ru guang tumilis koson ra timug ondo' kalo igondo' mapua'.

AMOS 6:12

Masimbul kia kuda giu' ra bulur batu? Maradu' kia raat ra sapi'? Kaa' pinatumbalik min katimpakan saboi nasauk ra tuwo, am baal ondo' motopot nasauk ra nasala.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

AGAI 1:2

Minindagu Tuhan Ondo' Maayo Kaga' Kuasa' ri Agai, “Minindagu bansa' ragitio ra kalo poyo masaboi paat nano koson mambaal saguli' ra Baloi Kuno.”

MATIUS 22:5

Kaa' tambului ra binalaan ti kalo nampalio. Mongoi ilo boo pangandoi ra umo am mokoondo' niayuk mongoi ra kadai nilo galama';

JUANIS 16:8

Paat ra Io matong, mampainono' Io ra ulun ru tana' ti atan sotopot no tula, osoi motopot am atan sotopot no ukum ri Aki Kapuuno'.

RINALATAN 10:42

Nanusub Io ramon mampasaboi ra Tanou Moonsoi no ra ngaangai' bansa', am ra Io no ondo' sinusub ri Aki Kapuuno' mangakim ra ngaangai' ulun ondo' lakat ayuk poyo naayag am ondo' minatoi noyo.

RINALATAN 17:13

Mokoondo' ulun ru Jaudi giu' ra Tisalonika nakaining ra i Paulus nampasaboi ra bala' intor ri Aki Kapuuno' giu' ra Biria poyo. Ginio ra ongoi ilo ra Biria am panusuk ilo ra ulun ra giu' i kumuliangi-angi.

RINALATAN 17:2

Koson ra kaindalaman no, ongoi i Paulus ra baloi sambayangan ra mangkuot am mangila' io intor ra Buuk Kitab. Saboi intalu ra moonong orou Sabat nambaal io raginio.

RINALATAN 17:32

Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

RINALATAN 24:15

Nogondo' koson risilo, aku niayuk malansan ri Aki Kapuuno' ra ngaangai' ulun maayag saguli' intor ra kapatayan, io no ulun moonsoi kapoam niayuk ulun malaat.

RINALATAN 24:26

Liliwa' raginio, nalansan i Piliks niayuk ra makaalap io ra ruit pampalabus intor ri Paulus. Ginio sabap ra magail io ayuk manusub ri Paulus porotongon riso koson makimansunur io.

RINALATAN 26:28

Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

RINALATAN 9:6

Kaa' raino sukal am ongoi ra Damsyik no. Giu' no balain tokou atan ondo' musiti' baalon muno.”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 14:12

Intor raginio itakau sigagama' mampataam ri Aki Kapuuno' ra atan binaal takau.

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

GALATIA 5:23

am minggana' guang am poyo mapandai mongorot. Baal koson raginio kalo iningaan ru atan ayuk pana ukum.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

IBRANI 12:21

Ngaangai' ru ginio makalalaa' toojo, saboi i Musa pana minindagu ra: “Nonontol aku ra laa'!”

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

IBRANI 6:2

pampariwan, mapabanta' ra kalindu' ra ulu ru ulun, sauk ru kaayagan saguli' ru ulun minatoi am poyo ra pangukuman mantilayun.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.

1 SAMUIL 12:7

Raino, pai' kapo ugar. Manguu' aku ramuyun ra saang ru Tuhan am mapakara' ramuyun ra ngaangai' ru binaal maayo ru Tuhan koson mamayag ramuyun am kinamatuaan mini.