RINALATAN 24:16 - Tanou Moonsoi Timugon

¹⁶ Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

RINALATAN 24:16 ပူးပေါင်းရင်းမြစ်များ

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

ROMA 2:15

Baal nilai ti mampakito ra panusuban ru Ukum no soroi ra guang nilo. Bolos ru guang nilo poyo mapaintutun ra baal raginio, sabap ra pangkaraan nilo sanganuan mononsol am poyo sanganuan manaung risilo.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 4:4

Kolondo' nai malimanan ku ra aku makasala, kabalu' pana ra mokoondo' lair. Kaa' Tuhan ayuk mangakim raki'.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 TIMOTIUS 1:19

Guuto' noyo toojo pangintapatan ra motopot no am bayaa' ayuk bolos ru guang muno ondo' mapasau. Mokoondo' kukula' ngaulun kalo nangkirongog ra bolos ru guang nilo, saboi napuso boo pangintapatan nilo.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 TIMOTIUS 3:9

Mabaya' ra guang mabanis ilo musiti' sumugut toojo ra pangintapatan ra motopot ondo' pinaintalang ri Aki Kapuuno'.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

TITUS 1:15

Ngaangai' niayuk karaan mapasau ru ulun ondo' mapasau guang, kaa' kolondo' rondo' pana karaan mapasau ru ulun ondo' malaat guang am kolondo' pangintapatan. Sabap ra pangkaraan am bolos ru guang nilo malaat ayuk.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 13:18

Kasalok kano pakiasi' ri Aki Kapuuno' ramon. Mangintopot akai ra bolos ru guang mai no mapasau, sabap ra mirot akai mambaal ra motopot ra ngaangai' baal.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 PITRUS 2:19

Amon ru pantataan ayuk guang min ra akau ilaaton ru ulun ra kolondo' sasaban, sabap ra makatutun kau ra kasagaan ri Aki Kapuuno', barakaton No akau.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,