RINALATAN 24:14 - Tanou Moonsoi Timugon

¹⁴ Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 24:14 ပူးပေါင်းရင်းမြစ်များ

1 TUNUNG RU BANSA' ISRAIL 29:18

Iou Tuhan i Aki Kapuuno', ondo' sambaan ri Abragam, i Isak am i Jakub, kinamatuaan maili, gama' ru alungin Mu ulun Muno maa' raginio rumayus motogom Rirun koson ra raino ti, am indangano' ilo maa' raginio gumagaya' ilo Rirun ra sabubuoi no.

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

MATIUS 10:32

“Osoi ayuk mangiou ra saang ru ulun ra io maamaya' Raki', Aku pana mangiou niayuk riso ra saang ru Ama' Kuno giu' ra suruga'.

MATIUS 22:40

Karuruo panusuban ti puun ru ngaangai' Ukum ri Musa am pangilaan ru nabi-nabi i.”

MATIUS 7:12

“Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

LUKAS 1:70

Sumugut ra nabi-nabi ondo' pinili' Nano ra galing i, nangani' Tuhan ra bantu' Nano

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

LUKAS 16:29

Taam i Abragam riso, ‘Sala' ka kia mokoondo' Ukum ri Musa am kitab ru nabi-nabi mampakara' risilo? Polosoon noyo pinongkotob muno gumagaya' ra kaintutunan raginio.’

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

RINALATAN 13:15

Kopongo binasa' Ukum ri Musa am Kitab ru Nabi-nabi, tingganai-tingganai ru baloi sambayangan nanusub ra ulun mangkuot ri Paulus am rangan-rangan nano, konilo, “Pabukat kau, amon ru mokoondo' paraguon min koson mangila' ra ulun ragiti, posoboyo' min ayuk.”

RINALATAN 15:5

Kaa' kukula' ngaulun ru Parisi ondo' nangintopot ri Jisus minindagu ra saang ru ngaangai', konilo, “Ulun Kristian ondo' sala' ka Jaudi musiti' sunatin am poyo sumugut toojo ra ngaangai' ru Ukum ri Musa.”

RINALATAN 19:23

Paat ragili, kumuliangi-angi ulun giu' ra Ipisus sabap ra pangilaan intor ri Jisus ti.

RINALATAN 19:9

Kaa' mokoondo' intor risilo i mokotog guang am kalo nangintopot, am nagasab ilo poyo ra pamayagan ri Aki Kapuuno' ra saang ru ulun masuang. Ginio ra i Paulus pana nangiruan risilo am ibito' no ulun ondo' nangintopot noyo ri Jisus am moonong orou nangila' io risilo giu' ra intok igigilaan ri Tiranus.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 24:22

I Piliks ti, ondo' masuang noyo kaintutunan intor ra pangilaan ri Jisus, namupus ayuk ra nantimungan ti, kono, “Salasayon ku ayuk gitio, paat ra makaratong i Lisias, tingganai maayo ru saujor no.”

RINALATAN 24:5

Napandayan mai ulun ti masalok mampakasalula' ra kalaatan; mampajajou io ayuk ra ulun ru Jaudi ra ati ayuk intok am io poyo maningganai ra paati ru ulun ru Nasarit.

RINALATAN 25:8

Nagisaung i Paulus, “Kolondo' rondo' pana sala kutu ra Ukum ri Musa, ra Baloi Tuhan kapoam ra Kaisar Roma.”

RINALATAN 26:22

Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

RINALATAN 26:27

Raja' Agripa! Mangintopot kou kia ra rinagu ru nabi-nabi? Maaru' mangintopot kou niayuk!”

RINALATAN 26:4

“Ngaangai' ulun ru Jaudi nakapandai ra ati kulaan kaayagan kuno intor ra aku mamulok ayuk poyo. Nakapandai ilo niayuk ra ngaangai', intor poyo ragili ra aku soroi ra pagun kuno galama' am bagu giu' ra Jirusalim.

RINALATAN 26:6

Raino bisaraan aku ragiti sabap ra lakat aku poyo mangintopot ra bantu' ri Aki Kapuuno' ra kinamatuaan maili.

RINALATAN 28:22

Kaa' akai pana masaga' mangkirongog ra pangkaraan muno. Sabap ra akai ngaangai' nakaining noyo ra pangilaan ondo' binayaan muno anggalon ra ati ayuk intok.”

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

RINALATAN 7:32

‘Aku ti i Aki Kapuuno' ondo' sambaan ru kinamatuaan muli, i Abragam, Isak am i Jakub.’ Ginio ra nonontol i Musa am kalo boo makakau' magilong.

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 3:21

Kaa' raino manulu' i Aki Kapuuno' ra ralan ati kulaan itakau mobonsoi saguli' Riso. Ralan raginio sumiang intor ra Ukum ri Musa, kabalu' pana Ukum ri Musa am Kitab Nabi-Nabi nampaintutun noyo ritakau ra baal raginio.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

TITUS 3:10

Moonsoi ru induain mu mansawai ra ulun ondo' mangkinibit ra pantutuliaran ra pasimpungan ulun Kristian. Am amon ru kalo niayuk gumagaya' io, pai' noyo pakimanrangan riso.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.