RINALATAN 23:34 - Tanou Moonsoi Timugon

³⁴ Kopongo gabenor nambasa' ra surat i, kuati' no i Paulus ati kia intor nano. Kaala' io ra i Paulus ti intor ra Kilikia,

RINALATAN 23:34 ပူးပေါင်းရင်းမြစ်များ

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 8:9

Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

DANIL 2:49

Kaa' ra kitaak ri Danil, nampataak raja' ra kandoi tadbir ru wilayah Babil ri Sadrak, i Misak am i Abidnigo. Kaa' i Danil minayan giu' ra istana raja' am nangandoi ra giu' no.

DANIL 6:1

Kopongo Raja' Bilsyajar pinatoi, Raja' Darius ulun ru Midia, ondo' bulintok raginio umur no onom ngoopor am ruo ngambilor, nampagaau ra kurisi' pamarintaan ru Babilonia.

LUKAS 23:6

Korongog ri Pilatus baal raginio, pangkuot io, “Ulun ru Galilia kia gitio?”

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 21:39

Taam i Paulus, “Aku ti ulun ru Jaudi, intor aku ra Tarsus, io no bandar maatang ra Kilikia. Polosoo' aku ayuk mindagu ra ulun-ulun no.”

RINALATAN 25:1

Nataluan noyo i gabenor Pistus nakasaboi ra Kaisaria, ugar io ongoi ra Jirusalim.

RINALATAN 6:9

Kaa' mokoondo' niayuk kukula' ngaulun manggal riso. Ilo no intor ra baloi sambayangan ondo' sabiton ra ‘Pasisimpungan ru Ulun Pinalabus’. Ilo ti am ulun ru Jaudi intor ra Kirini am Aliksandria, am poyo intor ra Kilikia am niayuk Asia. Ilo ngaangai' ti nakimansangor ri Stipanus.