RINALATAN 23:18 - Tanou Moonsoi Timugon

¹⁸ Paumaa' ru tingganai ru saujor i tuu'-bagu ti ra tingganai maayo nali am indagu, “I Paulus, ulun inaput i, nakiindangan raki' nagibit ra tuu'-bagu ti muma' rirun. Sabap ra mokoondo' io pabalaan no rirun.”

RINALATAN 23:18 ပူးပေါင်းရင်းမြစ်များ

LUKAS 7:40

Indagu i Jisus ri Simon, “Simon, mokoondo' poyo pabalaan Kutu rirun.” Taam i Simon, “Iou mangingila', raguo' ayuk.”

JUANIS 18:12

Ginio boo ra santayaran saujor Roma nabaya' ra tingganai nilai am pulis-pulis ru Baloi Tuhan no, namparakop ri Jisus am bangkilo' nilo Io.

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

RINALATAN 23:17

Pampiau boo i Paulus ra sangulun tingganai ru saujor am indagu, “Ibito' noyo tuu'-bagu ti muma' ra tingganai maayo mino, sabap ra mokoondo' io pabalaan no riso.”

RINALATAN 23:19

Kitango' ru tingganai maayo ru saujor no tuu'-bagu i, ibito' no ra intok kolondo' ulun am kuati', “Atan kia pabalaan muno raki'?”

RINALATAN 27:1

Kopongo ilo nangaru' ra poongoyon akai ra pagun ru Itali, i Paulus am kukula' ngaulun ondo' inaput no pinaalungan ri Julius. Io ti sangulun tingganai ru saujor Roma intor ra tayar ondo' sabiton ra “Rejimen ru Kaisar”.

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

PILIMON 1:9

Kaa' sabap ra togom ti, makitaak aku ayuk rirun. Aku ti duta ri Kristus Jisus am raino inaput poyo sabap Io.