RINALATAN 23:15 - Tanou Moonsoi Timugon

¹⁵ Raino, akau am ulun-ulun ru Majlis Ugama musiti' mangator ra surat ra tingganai maayo ru saujor Roma no koson kitaakon i Paulus ti paumaan ramuyun saguli', ra mangimumui poyo riso koson ragili. Akai am nakatampos noyo mamatoi riso ra io kalo poyo makasaboi ragiti.”

RINALATAN 23:15 ပူးပေါင်းရင်းမြစ်များ

2 SAMUIL 13:5

Indagu i Jonadab riso, “Baal raginio kalo mapagon! Baalo' ra ilain koson ayuk ra marualan am luya' ra intok kaalangan. Paat ra ama' muno matong pagilong rirun, raguo' gitio, ‘Ama', iowo' noyo i Tamar matong mangani' raki' ra akanon. Masaga' aku ra io mangansak ra akanon ragiti maa' raginio makito ku io, am io galama' mansulung ra akanon no raki'.’ ”

MAZMUR 21:11

Ngaangai' anak nilono potoyon ru raja' no, am pusoon no ngaangai' papag nilono.

AMSAL 1:16

Kalo moorot nilo guang mambaal ra kalaatan, gogolong ka mampatoi ilo mataki'.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JUANIS 18:12

Ginio boo ra santayaran saujor Roma nabaya' ra tingganai nilai am pulis-pulis ru Baloi Tuhan no, namparakop ri Jisus am bangkilo' nilo Io.

RINALATAN 22:30

Tingganai maayo ru saujor Roma no masaga' toojo mintutun ra kua ulun ru Jaudi manguu' ri Paulus. Ginio ra iosuabon, piawo' no tingganai-tingganai imam Jaudi am niayuk ngaangai' ulun ru Majlis Ugama i timinimung. Ginio ra bugalo' nilo pinamangkil ri Paulus i am ibito' io boo paumaa' risilo.

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 25:3

ra i Paulus ibiton ra Jirusalim sabap ra mokoondo' noyo naguguuman nilai koson mamatoi ri Paulus ralalom pangkiralanan.