RINALATAN 23:14 - Tanou Moonsoi Timugon

¹⁴ Ongoi ilo boo tuum ra tingganai imam am poyo tingganai ru ulun ru Jaudi, am indagu, “Akai ngaangai' nagibot kalo mangakan am manginum ra atan ayuk, amon ru kalo mapatoi mai galing i Paulus.

RINALATAN 23:14 ပူးပေါင်းရင်းမြစ်များ

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

GOSIA 4:9

Mansaan kau ra ukuman koson risilo. Mangukum Aku ramuyun nogondo' ra kalaatan ondo' binaal min.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

RINALATAN 23:12

Nokorondom io ra suabon no, naguguum ulun ru Jaudi. Nagigibot ilo ra kalo mangakan am manginum amon ru kalo poyo mapatoi nilo galing i Paulus.

RINALATAN 23:13

Suang ru ulun ondo' naguguum ti mokoondo' nasailan ra apat ngoopor ngaulun.

RINALATAN 23:20

Taam tuu'-bagu no, “Ulun ru Jaudi naguguum ra makitaak rirun magibit ri Paulus bisaraan giu' ra Majlis Ugama ra susuab, ra masaga' ilo rokoon mangimumui poyo riso.

RINALATAN 23:21

Kaa' pai' gagayaa' kitaakon nilono, sabap ra mokoondo' olo'-olo' apat ngoopor ngaulun nansibuni koson magawang riso. Nagigibot ilo no ngaangai' ra kalo mangakan am manginum amon ru kalo poyo mapatoi nilo galing i Paulus. Raino, nakatampos ilo noyo, maginaa ayuk boo ra pangiawan muno.”