RINALATAN 22:6 - Tanou Moonsoi Timugon

⁶ “Paat ra nangkiralanan ku ragili am maar makasaboi ra Damsyik i ra io tanga' ru orou, pulusat ru silau ondo' mapaang kaga' intor ra limbowon liminiput raki'.

RINALATAN 22:6 ပူးပေါင်းရင်းမြစ်များ

KASAUKAN 14:15

Giu' no tinayar ri Abram ulun-ulun nano ra kukula' ngantayaran am ongoyo' bulunsaro' paat ra rondom am kinala nilo. Inilou no ilo polos ra Goba tampilon ralayo ru bandar Damsyik.

KASAUKAN 15:2

Kaa' taam i Abram, “Iou Tuhan Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

2 SAMUIL 8:6

Kopongo raginio patirongo' ru Raja' Daut pangkiman ru saujor ralalom ru wilayah nilo, am kinuasa' ilo am mambayar riso ra cukai. Nangani' Tuhan ra Raja' Daut ra kamanangan ra ati ayuk intok nano mangayou.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

RINALATAN 22:7

Ginio ra laub aku ak boo ra tana' am nokorongog aku rondo' bolos minindagu raki', ‘Saulus, Saulus! Kua kia imboloo' mu Aku?’

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

1 KORINTUS 15:8

Pupus toojo minintalang Io niayuk raki' – aku ti ondo' kalo nakarampot Riso am tauli boo nasauk ra rasul.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.