RINALATAN 21:5 - Tanou Moonsoi Timugon

⁵ Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

RINALATAN 21:5 ပူးပေါင်းရင်းမြစ်များ

1 RAJA'-RAJA' 8:54

Koon raginio noyo Raja' Salomo nakiasi' ra Tuhan liliwa' minigulatur am nopotoroi ra kalindu'. Kopongo raginio bigor io ra saang ru altar.

2 TUNUNG RU BANSA' ISRAIL 20:13

Ngaangai' bala ru ungkuyon ru Jiuda, mababaya' ra anak andu' nilo, migor giu' ra Baloi ru Tuhan.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

MATIUS 14:21

Suang ru ungkuyon ondo' nangakan i olo'-olo' limo ngaribu ngaulun, kalo poyo nakaaya' kauntob ruandu' am lalaing.

MARKUS 1:40

Sangulun ondo' makamaruol ra kungkung ondo' maaja' minuma' ri Jisus. Ulun no migulatur am indagu, “Amon ru masaga' Kou, maalap Mu aku ra babas.”

LUKAS 22:41

Inggalur Io poyo boo koborok, olo'-olo' koson ra galur ru kababalan ra batu, igulatur am pakiasi' Io, indagu Io,

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 20:36

Pakapambilin i Paulus, igulatur io boo nabaya' ra ulun-ulun ondo' nangkirongog riso am pakiasi' ilo.

RINALATAN 20:38

Mangiluk guang nilo ra i Paulus ti nambala' risilo ra kalo boo makapantuum ilo. Atari' nilo boo io ra kapal.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

JOSUA 8:35

Moonong susuban ri Musa binasa' ri Josua ra saang ru ngaangai' ulun, nakaaya' bala ruandu' am lalaing, am niayuk ulun bansa' ru bokon ondo' minayan risilo.