RINALATAN 21:30 - Tanou Moonsoi Timugon

³⁰ Kumuliangi-angi ngaangai' ulun giu' ra bandar no am pasisimbul ilo ra Baloi Tuhan. Rokopo' nilo i Paulus am ralaato' paingkualo' intor ra Baloi Tuhan am angabi' boo kulobon i ra mataki'.

RINALATAN 21:30 ပူးပေါင်းရင်းမြစ်များ

2 RAJA'-RAJA' 11:15

Kalo mangiou i Joyada ra Raja' Ruandu' Atalya potoyon giu' ra liliut ru Baloi ru Tuhan. Kon ri Joyada ra tingganai-tingganai ru pulalai nano, “Ibito' raja' ruandu' no mugar mansail ra barisan ru ulun magagalung. Potoyo' osoi ayuk ondo' kuminam mamayag ra raja' ruandu' no.”

MATIUS 2:3

Pakaining raja' Irodis ra tanou ragitio kalo boo mororo' guang nano, koson niayuk ra ngaangai' namagun ra Jirusalim.

MATIUS 21:10

Paat ri Jisus sumubol ra bandar Jirusalim, ngaangai' minayan ra bandar ni nakatigog am sauta'-uta' ayuk. “Osoi kia Io ti?” ragu nilo.

LUKAS 4:29

Ingkakat ilo am pagiruo' nilo i Jisus ra liwar ru pekan. Ibito' nilo Io ra kiing ru bulur ondo' mapasuk, nambaalan ra pekan ragitio, sabap ra masaga' ilo mampajuul ri Jisus intor ra giu'.

RINALATAN 19:29

Kumuliangi-angi boo ulun ra ngaangai' ru bandar i. Ulun masuang namparakop niayuk ri Gayus am i Aristarkus, karuruo ti ulun Makidonia ondo' namparangan ri Paulus ralalom pangkiralanan nali. Ralaato' ilo boo ra stadium ru bandar i.

RINALATAN 26:21

Ginio noyo ra ulun-ulun ru Jaudi namparakop raki' giu' ra Baloi Tuhan am nangkinam ilo pamatoi raki'.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.