RINALATAN 21:3 - Tanou Moonsoi Timugon

³ Ugar akai saboi naimpal mai pulu' Siprus, kaa' narayus akai ayuk ra Siria. Asak akai boo ra Tirus sabap ra kapal ondo' sinakayan maili nampatuun ra kuliamos ra giu' i.

RINALATAN 21:3 ပူးပေါင်းရင်းမြစ်များ

2 SAMUIL 8:6

Kopongo raginio patirongo' ru Raja' Daut pangkiman ru saujor ralalom ru wilayah nilo, am kinuasa' ilo am mambayar riso ra cukai. Nangani' Tuhan ra Raja' Daut ra kamanangan ra ati ayuk intok nano mangayou.

MAZMUR 45:12

Kinapasau muno nakabunduk ra guang ru raja', okou longgom ru raja', gagaya' no riso.

MAZMUR 87:4

“Bulintok ra aku mapabatik ra ngaangai' bansa' ondo' gumagaya' Raki', pasubolon Ku niayuk Misir am Babilonia; am poyo Palistin, Tirus am Itiopia, makaaya' ra koson mamagun ru Jirusalim.”

JISAYA 7:2

Bulintok ra raja' Jiuda nokorongog ra saujor ru Siria soroi ra libung ru Israil, raja' am ulun nano mangalaa' kaga' saboi monontol koson ra puun ru tataun mauyog ru angin.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

LUKAS 10:13

“Mumpara' boo laat ru bandar Korajin! Mumpara' boo laat ru bandar Bitsaida! Amon ru kaimuagan ondo' binaal ra tatanga' min nabaal noyo giu' ra bandar ru Tirus am Sidon, lair poyo ulun ru giu' i timinalikur intor ra tula nilai am nangulir!

LUKAS 2:2

Panguntaban kasaa' ti pinaugar paat ri Kirinius nasauk ra gabenor ru pagun Siria.

RINALATAN 11:19

Kopongo i Stipanus pinatoi, ulun ondo' nangintopot ri Jisus nakapantutuliar ra ati ayuk intok sabap ra inimbolo' ilo. Mokoondo' nagiru' ra Pinisia, Siprus am Antiokia am nampasaboi ilo ra pambalaan intor ri Aki Kapuuno' ra ulun ru Jaudi ayuk.

RINALATAN 12:20

Mokoondo' kasisangan ru raja' Irodis ra ulun ru Tirus am Sidon. Ginio ra nababaya' ilo minuma' ra raja' Irodis. Ragui' nilo galing i Blastus, pagawai istana, koson makiindangan risilo. Kopongo ragili ongoi ilo uma' ri Irodis koson makimobonsoi riso, sabap ra pagun nilo makaalap ra akanon intor ra pagun ru raja' Irodis.

RINALATAN 13:4

Pakapanusub ayuk Ambiluo ri Aki Kapuuno' risilo, ongoi i Barnabas am i Saulus ra Siliukia. Intor ra giu' i siminundoi ilo ra pulu' Siprus.

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 15:39

Ginio boo nangkinibit ri Paulus am i Barnabas nansangor toojo am pupus i nantuliar ilo boo: I Barnabas nagibit boo ri Markus am minongoi ilo ra pulu' Siprus.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 21:16

Mokoondo' kukula' ngaulun Kristian intor ra Kaisaria minaya' am nangator ramon ra baloi ri Manason, sabap ra baloi nano inayanan mai. I Manason ti ulun ru Siprus ondo' lair noyo siminauk ra Kristian.

RINALATAN 21:2

Giu' ra Patara natuum mai rondo' kapal mongoi ra Pinisia am ginio sinakayan mai.

RINALATAN 21:7

Narayus akai intor ra Tirus ongoi ra Ptolimais. Minongoi akai tuum ra ulun Kristian ra giu' i, am ayan risilo buoi songorou.

RINALATAN 27:4

Tungguli' mai poyo pangkiralanan, kaa' nakauma' akai ra bagiu' mapuor, ginio ra nasundoi akai nansusug ra pulu' Siprus, koson kalo matiu' ra bagiu' no.

RINALATAN 4:36

Koson niayuk ri Jusup. Io ti am sangulun papag ru Liwi am inanak Io giu' ra pulu' Siprus. Sabiton io ru rasul ri Barnabas (arati' nano ‘Mampapirot ra guang’).

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.