RINALATAN 21:24 - Tanou Moonsoi Timugon

²⁴ Moonsoi ru maya' kou risilo mampaugar ra kaulayan pangimpasawan am mamalanja' kou risilo, am mabulutan ilo. Gitio noyo mampatutun ra ulun ra atan ondo' naining nilo intor rirun i kalo motopot. Sabap ra okou galama' pana gumagaya' ra Ukum ri Musa.

RINALATAN 21:24 ပူးပေါင်းရင်းမြစ်များ

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

AYUP 41:25

Paat ra makarat Liwiatan, ulun ra maikang kaga' pana mairu' kinabaani no; lumami' ilo sabap ra malaa' kaga'.

KAINGKUALAN 19:10

Indagu Tuhan riso, “Ongoi noyo tuum ra ulun raginilo am susubo' ilo migimpasau ra orou raiti' am susuab no. Musiti' ilo mampupu' ra bayang nilo

KAINGKUALAN 19:14

Tuun boo i Musa intor ra gunung am panusub ra ulun raginilo tumampos ra sumambayang. Mampupu' ilo ra bayang,

UNTABAN 6:13

Paat mopongo ru sangulun Nazir no gogoton nano, musiti' io mambaal ra upacara ragitio. Musiti' io mongoi ra kulobon ru Kim ru Tuhan

UNTABAN 6:18

Ulun Nazir no musiti' sukurin abuk nano giu' ra kulobon ru Kim ru Tuhan, am papatiron abuk no ralalom ru apui ondo' tatanga' monolob ra taak simbalui koson makibarakat ra Tuhan.

UNTABAN 6:5

Buoi ra io ulun Nazir, kalo mokopomolompor io ra abuk nano kapoam sukurin. Maguut io ru nazar nano saboi makai' paat nano patimpokon inan tayar ra Tuhan. Ginio ra abuk nano am jangut nano musiti' polosoon gumawar.

UNTABAN 6:9

Amon ru majamol abuk ru ulun Nazir sabap ra sapapa' io ru sangulun ondo' minatoi pamulali', ulun Nazir no musiti' maginaa buoi tulu' ngoorou, am sukurin abuk am jangut nano. Ra koson raginio masauk io ra mapasau.

JUANIS 11:55

Paat ragili Pangiantakan ra Paska mamaar noyo, am masuang ulun intor ra moonong pamagunan minongoi ra Jirusalim. Maya' ilo ra kaulayan pambaguan ra kalo poyo masaboi pangiantakan no.

JUANIS 3:25

Intor raginio, kukula' ngaulun maamaya' ri Juanis nagagansang ra sangulun ru Jaudi ra kaulayan mambagu' sumugut ra ugama Jaudi.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 21:26

Io suabon ragili, i Paulus nababaya' ra apat ngaulun i nampaugar ra kaulayan pangimpasawan. Subol ilo boo ra Baloi Tuhan am pambala' ra kula' poyo ngoorou am mopongo pangimpasawan, koson makapanimbalui ilo boo ra taak nilo sigagama'.

RINALATAN 24:18

Paat ra aku nambaal raginio, natuum nilo aku giu' ra Baloi Tuhan, kokopongo ayuk aku minaya' ra kaulayan pangimpasawan. Kolondo' jajajou pinasalula' kuno ra ulun masuang ragili.

1 KORINTUS 9:20

Ginio ra amon ru sumimpung aku ra ulun ru Jaudi, paliso ku koson ayuk ra ulun ru Jaudi, maa' raginio makapangkimait aku risilo mangintopot ri Kristus. Am niayuk ra ulun ondo' sumugut ra Ukum ri Musa, aku pana ilain koson ayuk risilo, kabalu' pana kalo boo. Kaayagan kuno koson raginio, maa' raginio makapangkimait aku risilo mangintopot ri Kristus.

GALATIA 2:12

Ra kalo poyo nakaratong ulun ondo' sinusub ri Jakubus, giminulung i Pitrus pangakan nababaya' ra ulun Kristian ondo' sala' ka Jaudi. Kaa' pakaratong boo ulun raginio, inggalur boo i Pitrus am marara' gumulung mangakan mabaya' ra ulun Kristian ondo' sala' ka Jaudi i. Binaal no ginio sabap ra nalaa' io ra ulun ondo' mangintopot ri Kristus ondo' moogot ra ngaangai' musiti' sunatin.

TINGGANAI RU BANSA' 13:5

Mopongo ra anak muno anakon, pai' lampari' abuk nano sabap intor ra io inanak, patimpokon anak no ri Aki Kapuuno' koson ra ulun Nazir. Tumalimpuun io mapalabus ra ulun ru Israil intor ra kuasa' ru Palistin.”