RINALATAN 21:21 - Tanou Moonsoi Timugon

²¹ Kaa' nokorongog ilo ra okou kunu' mangila' ra ngaangai' ulun ru Jaudi ondo' mayan ra bansa' ru bokon i, maa' raginio kalo boo pana maya' ra Ukum ri Musa. Kamu poyo ra kalo pana sunatin anak nilono kapoam suguton kaulayan ru ulun ru Jaudi.

RINALATAN 21:21 ပူးပေါင်းရင်းမြစ်များ

RINALATAN 16:3

Masaga' i Paulus magibit riso am sabap raginio, pinasunatan no i Timotius. Binaal no ginio sabap ra ulun ru Jaudi ondo' minayan ra giu' i nakapandai ra ama' ri Timotius ti ulun ru Junani.

RINALATAN 21:22

Raino boo, ati kulaan? Maaru' nokorongog ilo noyo ra okou giti raino.

RINALATAN 21:28

Golok ilo, “Pabukat kau ngaangai', ulun ru Israil! Makiindangan akai. Gitio noyo ulun ondo' mangila' ra ati ayuk intok ra ngaangai' ulun ra pangilaan ondo' manggal ra bansa' ru Israil, Ukum ri Musa am niayuk Baloi Tuhan ti. Mulu' poyo raino ti nagibit io piboo ra ulun ondo' sala' ka Jaudi sumubol ra Baloi Tuhan. Mampajamol io ra intok matulai ti.” (

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.