RINALATAN 20:7 - Tanou Moonsoi Timugon

⁷ Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

RINALATAN 20:7 ပူးပေါင်းရင်းမြစ်များ

NIGIMIA 8:3

Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

NIGIMIA 9:3

Buoi no olo'-olo' talu nganjam, kitab Taurat ru Tuhan, i Aki Kapuuno' nilo binasa' risilo, am buoi talu nganjam ra sumunu' no nangiou ilo ra tula am siminamba ra Tuhan, i Aki Kapuuno' nilo.

MARKUS 16:9

Kopongo ra i Jisus binayag noyo saguli', ra iosusuab ra orou minggu', minintalang Io galing ri Maria Magdalina. (Intor ri Maria ti, igondo' i Jisus napaingkual ra tulu' riwato.)

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

LUKAS 24:35

Tunungo' boo ru ruo ngaulun i atan ondo' nasauk ralalom pangkiralanan nilai am ati kulaan ilo nakaulig ra Tuhan ra Io namilang ra ruti' i.

JUANIS 20:1

Io maar matawang ra orou minggu', ongoi i Maria Magdalina ra kalabangan i am kakito no batu pinaangob linuir boo intor ra luang ru lobong i.

JUANIS 20:19

Orou minggu' ragili niayuk ra io palunggai', maamaya'-maamaya' ri Jisus timinimung ra rondo' baloi am nagaput ilo, sabap ra nangalaa' ilo ra tingganai ru ulun ru Jaudi. Pulusat boo ri Jisus, minigor ra tatanga' nilai am indagu, “Kaansayan ramuyun.”

JUANIS 20:26

Saminggu' boo ragili, maamaya' ri Jisus timinimung poyo ra baloi i, am soroi niayuk i Tomas ra giu' i. Ngaangai' ru kulobon piniot ra kunsi', kaa' pulusat ri Jisus, minigor ra tatanga' nilai am indagu, “Kaansayan ramuyun.”

RINALATAN 16:10

Pakakito ayuk i Paulus raginii, tampos akai boo mongoi ra Makidonia, sabap ra gitio noyo rondo' pulanu ondo' naalap mai ra i Aki Kapuuno' nanusub ramon mampasaboi ra Tanou Moonsoi no ra ulun-ulun Makidonia.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 20:11

Pagaloi boo saguli' i Paulus am pantayar io ra ruti' am pangakan ilo boo. Minindagu io ra ulun-ulun no saboi natawangan, am ugar io boo.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

RINALATAN 20:5

Ilo ti siminigulu am naginaa ramon giu' ra Troas.

RINALATAN 20:9

Mokoondo' niayuk sangulun tuu'-bagu makainggalan ri Iutikus nanturung ra gigimpalan i. Sabap ri Paulus nabuoi toojo minindagu, matikoolong am pokororot boo tuu'-bagu ti am naratu' intor ra tingkat katalu. Paat ra io kayangon, minatoi io noyo.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

1 KORINTUS 10:16

Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.