RINALATAN 20:24 - Tanou Moonsoi Timugon

²⁴ Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 20:24 ပူးပေါင်းရင်းမြစ်များ

1 TUNUNG RU BANSA' ISRAIL 11:18

Pokorongog raginio talu ngaulun ra ulun tutumula' nano nanubol ra pangkiman ru ulun ru Palistin, nangalap ra timug intor ra tulubong no, am ibito' ginio ra Raja' Daut. Kaa' marara' Raja' Daut manginum ra timug no, sasari' no boo ginio koson ra taak ra Tuhan.

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

JUANIS 15:27

Akau pana mampaintutun Raki', sabap ra nababaya' takano intor ra talimpuun i ayuk poyo.

JUANIS 17:4

Pinatulai Tokou noyo ra saang ru ulun ru tana' ti, ioginio nopongo Ku noyo kandoi ondo' pinalansan Mutu Raki'.

RINALATAN 1:17

I Judas i sangulun intor ritakau, am io niayuk napili' noyo koson maya' mangandoi mabaya' ritakau.” (

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 13:25

Maar mopongo kandoi ri Juanis, indagu io ra ulun masuang, ‘Osoi kia aku ti ra pangkaraan min? Pai' ru aku no ulun ondo' inaanin min. Kaa' rongogo' toojo! Matong Io ra tauli no, am mamagus ra kasut Nano pana kalo maaya' aku.’

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 20:23

Ondo' ayuk napandayan kuno ra Ambiluo ri Aki Kapuuno' nambala' raki' ra moonong bandar ondo' inapitan kuli, ra pasubolon aku ra pangaputan am niayuk maimbolo' poyo.

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

RINALATAN 21:13

Kaa' taam i Paulus, “Kua kia tangii' min aku koson ragitio saboi mangiluk boo toojo guang kutu? Nakatampos aku no ra bangkilon kia kapoam matoi pana giu' ra Jirusalim, sabap ri Tuhan Jisus.”

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

ROMA 4:4

Osoi ayuk mangandoi, gajiin am gaji' nano sala' ka karaan ra taak ayuk, kaa' ginio ampos ru kandoi nano.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

2 KORINTUS 4:12

Arati' ragitio, sabap ra akai masalok makauma' ra baal makapatoi, akau makaapu ra kaayagan intor ri Aki Kapuuno'.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

IPISUS 3:13

Ginio ra pai' kano kaimamang kabalu' pana ra aku imboloon koson ra kaatangan min. Sabap ra sotopot no, ngaangai' ru gitio mangindangan ramuyun.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TISALONIKA 3:3

Koson boo raginio kolondo' sangulun pana intor ramuyun no lumonggo' mangintopot sabap ra kaimbalaan min ti. Akau galama' nakapandai ragitio noyo tayar ru kasagaan ri Aki Kapuuno' ritakau.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

TITUS 1:3

Paat ra inaru' i, pinaintalang ri Aki Kapuuno' ra bala' Nano ralalom ru Tanou Moonsoi ti. Pampatanawan ragitio noyo pinalansan raki' am posoboyon ku noyo maya' ra susuban ri Aki Kapuuno', Mamamayag takau.

TITUS 2:11

Sabap ra nampaintalang noyo i Aki Kapuuno' ra kataawan Nano koson ra pamayagan ru ngaangai' ulun.

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 6:11

Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.