RINALATAN 20:20 - Tanou Moonsoi Timugon

²⁰ Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:20 ပူးပေါင်းရင်းမြစ်များ

JIRIMIA 26:2

indagu Tuhan raki', “Ongoi no bigor giu' ra liliut ru Baloi Kuno am indagu no ra ulun intor ra bandar-bandar ru Jiuda ondo' matong sumambayang ra giu' no. Potonowo' noyo ngaangai' ondo' nanusuban Kuno rirun. Pai' tatango' rondo' ragu pana.

JIRIMIA 42:4

Taam aku, “Iou noyo ru koon poyo raginio, makiasi' aku ra Tuhan, i Aki Kapuuno' takau sumugut ra kitaakon min; am atan pana pataamon Nano ra tauli no, posoboyon ku ramuyun pabukat kuno. Kalo bunion ku ra atan pana.”

MARKUS 4:34

Ondo' nangilaan Nano ra ulun masuang abig ayuk, kaa' paat ilo-ilo ayuk, nambala' Io toojo ra maamaya' Nano ra arati' nano.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

RINALATAN 5:2

Santayaran ru ruit no pinauli' no galama' am santayaran no poyo pinataak no ra rasul-rasul. Andu' nali pana nangiou ra binaal nali.

RINALATAN 5:42

Moonong orou, giu' ra Baloi Tuhan kapoam baloi ru ulun niayuk, kalo linanggaan nilo mangila' am mampabala' ra Tanou Moonsoi, ra i Jisus noyo Mamamayag ondo' sinusub ri Aki Kapuuno'.

1 KORINTUS 12:7

Sigagama' takau inintopot ra Ambiluo ri Aki Kapuuno' am ginio koson ra kaatangan takau ngaangai'.

1 KORINTUS 14:6

Pabukat kau ngaangai', amon ru mongoi aku ramuyun am mindagu ra ragu imuagan, atan onong no ramuyun? Kolondo' toojo onong, ondo' ayuk am amon ru mambala' aku ondo' pinakito ri Aki Kapuuno', kapoam mantunung intor Riso, kapoam mampasaboi ra bala' intor ri Aki Kapuuno' kapoam mangila' ramuyun.

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.