RINALATAN 20:19 - Tanou Moonsoi Timugon

¹⁹ Mabaya' ra guang minggana' am masuang lomou, nangandoi aku koson ra ulipon ru Tuhan. Kabalu' pana naimbolo' aku ra kalaatan ondo' binaal ru ulun ru Jaudi raki'.

RINALATAN 20:19 ပူးပေါင်းရင်းမြစ်များ

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

LUKAS 19:41

Maar makasuku' ra bandar no, tantangin ri Jisus am tangii' No,

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

RINALATAN 17:13

Mokoondo' ulun ru Jaudi giu' ra Tisalonika nakaining ra i Paulus nampasaboi ra bala' intor ri Aki Kapuuno' giu' ra Biria poyo. Ginio ra ongoi ilo ra Biria am panusuk ilo ra ulun ra giu' i kumuliangi-angi.

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

RINALATAN 20:3

am minayan io ra giu' no buoi talu ngambulan. Nakatampos io no mongoi ra Siria, kaa' nakaining io ra ulun ru Jaudi naguguum mamatoi riso. Ginio ra namatas io minugar mansail ra Makidonia.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

2 KORINTUS 2:4

Gili nanulis aku ramuyun ra guang magalabo am mangiluk toojo ondo' mabaya' ra tangi'. Sotopot no kon kuli pai' ru mampangiluk ramuyun, kaa' maa' raginio mampaintutun ramuyun ra motogom aku toojo ramuyun.

2 KORINTUS 3:5

Kolondo' kon atan pana ramon ondo' mangiou ra akai maaya' mambaal ra kandoi ti. Kaa' pangiawan maino intor noyo ri Aki Kapuuno'.

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

IPISUS 6:7

Paugaro' noyo kandoi min mabaya' ra guang maansukan, koson sala' ka ulun ayuk, kaa' Tuhan noyo pangandayan min.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.

KOLOSI 3:24

Karaa' min noyo ra aniin kau ru Tuhan ra ampos moonsoi ondo' pinongo No kalalair ramuyun. Sotopot no i Kristus noyo ondo' tuan pangandayan min.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

2 TIMOTIUS 1:4

Makakara' aku ayuk ra kalumpusan ru guang muli am ginio boo ra aku masaga' toojo mongoi tuum rirun, maa' raginio maansukan aku toojo.

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

1 PITRUS 1:6

Sabap ra paintalangan nano pakaansuk kano, iou pana raino ti mangiluk guang min ra buoi, sabap ra makaliman kau ra nansalinut pangkinaman.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.