RINALATAN 2:43 - Tanou Moonsoi Timugon

⁴³ Masuang toojo kaimuagan am tatandu' ondo' binaal ru rasul-rasul saboi ngaangai' ulun nangimuag am nalaa'.

RINALATAN 2:43 ပူးပေါင်းရင်းမြစ်များ

ESTER 8:17

Giu' ra moonong bandar am wilayah, ati ayuk ragu ru raja' no basaan, ulun ru Jaudi maansayan, naansukan am nambaal ra bunsag. Inambai poyo ra masuang ulun nasauk ra ulun ru bansa' ru Jaudi sabap ra malaa' ilo ra bansa' raginio.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

MARKUS 16:17

Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo.

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

RINALATAN 4:33

Ra kuasa' maayo, rasul-rasul no nangani' ra kaintutunan ra Tuhan Jisus binayag noyo saguli'. Ginio boo ri Aki Kapuuno' nambarakat toojo risilo.

RINALATAN 5:5

Pakaining ayuk i Ananias ra ragu ni, kaaba' io am patoi. Ngaangai' ulun ondo' nokorongog ra baal no nangalaa'.

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.