RINALATAN 2:40 - Tanou Moonsoi Timugon

⁴⁰ Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 2:40 ပူးပေါင်းရင်းမြစ်များ

AMSAL 9:6

Tatango' noyo sasambungon maa' raginio kaayagan muno makaansuk. Bayaa' noyo kaayagan ru ulun mapintar.”

JIRIMIA 51:45

Ulun kau ru Israil, pagiru' no intor ra giu' no! Bayago' noyo inan intor ra sangit Kuno ondo' nanimbula'.

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 23:33

Akau ngaangai' ti ulun malaat! Sayat kau ru kukuo! Akau ukumin mongoi ra naraka am kolondo' pagiruan min

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

JUANIS 21:25

Masuang poyo binaal ri Jisus ra bokon. Kaa' amon ru koyoon tulisi', guang ku titikop ru tana' ti pana kalo sama' pambulian ra kinasuang ru buuk no.

RINALATAN 10:42

Nanusub Io ramon mampasaboi ra Tanou Moonsoi no ra ngaangai' bansa', am ra Io no ondo' sinusub ri Aki Kapuuno' mangakim ra ngaangai' ulun ondo' lakat ayuk poyo naayag am ondo' minatoi noyo.

RINALATAN 15:32

I Judas am i Silas, ondo' karuruo ti nabi, nampasaboi ra masuang pambalaan am nampaikang ra guang ru ulun Kristian koson makakau' ilo boo.

RINALATAN 20:11

Pagaloi boo saguli' i Paulus am pantayar io ra ruti' am pangakan ilo boo. Minindagu io ra ulun-ulun no saboi natawangan, am ugar io boo.

RINALATAN 20:2

Minongoi io ra ngaangai' libung ru Makidonia am pambilin io ra ulun Kristian ra giu' no koson mampaikang ra pangintapatan nilai. Ongoi io boo ra Akaya

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 20:9

Mokoondo' niayuk sangulun tuu'-bagu makainggalan ri Iutikus nanturung ra gigimpalan i. Sabap ri Paulus nabuoi toojo minindagu, matikoolong am pokororot boo tuu'-bagu ti am naratu' intor ra tingkat katalu. Paat ra io kayangon, minatoi io noyo.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 4:36

Koson niayuk ri Jusup. Io ti am sangulun papag ru Liwi am inanak Io giu' ra pulu' Siprus. Sabiton io ru rasul ri Barnabas (arati' nano ‘Mampapirot ra guang’).

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

GALATIA 5:3

Igondo' poyo aku mampakara' ramuyun: Osoi masaga' sunatin, ulun no musiti' mampagagaya' poyo ra ngaangai' ru Ukum ri Musa no!

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

1 TISALONIKA 2:11

Nakapandai kano ra paliso mai ramuyun sigagama', ioginio mogondo' ra sangulun ama' am anak-anak nano.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.