RINALATAN 2:39 - Tanou Moonsoi Timugon

³⁹ Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

RINALATAN 2:39 ပူးပေါင်းရင်းမြစ်များ

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 59:20

Kon ru Tuhan ra ulun Nano, “Matong Aku ra Jirusalim koson manungka' am mamayag ra ngaangai' ulun ondo' timinalikur ra tula.

JISAYA 65:23

Kandoi nilono masugut, am anak nilono kalo malumpa' ru karaat. Barakatin Ku ilo am papag nilono ra sabuoi-buoi no.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

RINALATAN 10:45

Ulun ru Jaudi ondo' nangintopot ri Jisus, am ondo' minaya' ri Pitrus intor ra Jopi, nangimuag nagilong ri Aki Kapuuno' mangani' ra Ambiluo Nano ra ulun sala' ka Jaudi niayuk.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 15:14

Raitii' ni nantunung i Simon ra intor poyo ra galing i Aki Kapuuno' nonogom ra ulun sala' ka Jaudi niayuk. Nampili' Io ra santayaran intor risilo masauk ra ulun Nano.

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

1 KORINTUS 7:14

Sangulun ralaki ondo' sala' ka Kristian iowon niayuk ri Aki Kapuuno' sabap ra nasimpung io ra andu' Kristian nano. Sangulun andu' ondo' sala' ka Kristian niayuk iowon ri Aki Kapuuno' sabap ra nasimpung io ra ralaki Kristian nano. Amon ru kalo, anak nilono mogondo' ra anak ru ulun ondo' kalo iowon ri Aki Kapuuno'; kaa' sotopot no anak-anak raginio iowon niayuk ri Aki Kapuuno'.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

SAGULION 29:15

kaa' ra itakau ngaangai' ondo' minigor ragiti paat ra orou raiti', giu' ra saang ru Tuhan i Aki Kapuuno' takau am niayuk ra papag takau paat ra orou matong.”

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”