RINALATAN 2:30 - Tanou Moonsoi Timugon

³⁰ I Aki Kapuuno' nambantu' noyo ri Daut nabaya' ra ibot ra sangulun intor ra papag ri Daut saukon ra raja' koson ri Daut galama'. Nakapandai i Daut raginio sabap ra io sangulun nabi niayuk,

RINALATAN 2:30 ပူးပေါင်းရင်းမြစ်များ

2 SAMUIL 23:2

Ambiluo ru Tuhan minindagu pinabala' galing raki'; ragu Nano soroi ra bibil kuno.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 22:43

“Amon ru koson poyo raginio,” taam ri Jisus, “Kua Ambiluo ri Aki Kapuuno' nampaliman ri Daut ra mampiau Riso ‘Tuhan’? Sabap ra raja' Daut minindagu,

MATIUS 27:35

Salipo' i Jisus ru saujor-saujor am tatayaro' nilo bayang Nano ra magugundi' galing.

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

2 TIMOTIUS 2:8

Karaa' noyo i Jisus Kristus, anak ru raja' Daut ondo' binayag noyo saguli' intor ra kapatayan. Ginio inila' ku ra Tanou Moonsoi ondo' pinasaboi kuli.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

IBRANI 3:7

Sabap raginio, koson ra bala' ru Ambiluo ri Aki Kapuuno', kon Nano: “Amon ru orou raiti' makaining kau ra bolos ri Aki Kapuuno',

IBRANI 4:7

Motopot noyo ginio sabap ra mokoondo' noyo inaru' ri Aki Kapuuno' rondo' orou ra bokon poyo ondo' sabiton, “Orou Raiti'”. Ginio pinabala' Nano ondo' pinabala' galing ra raja' Daut ra kukula' ngaatus ngambilor kalupus raginio, ralalom tayar Buuk Kitab ni: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino.”

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.

IBRANI 7:21

Kaa' i Jisus sinauk koson ra imam ra nagibot i Aki Kapuuno' Riso, kon Nano: “Aku noyo Tuhan bantu' Kuno Rirun, am kalo kulawon ragu Kuno, ‘Okou no imam ra mantilayun.’ ”

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.