RINALATAN 2:24 - Tanou Moonsoi Timugon

²⁴ Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.

RINALATAN 2:24 ပူးပေါင်းရင်းမြစ်များ

MAZMUR 116:16

Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

JISAYA 10:7

Kaa' ralalom ru guang nano, raja' ru Asyur mokoondo' ra inatangan galama'. Raja' no moogot mamakai ra undang-undang ra mokotog koson mamuso ra nasuangan bansa'.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

MATIUS 27:63

am indagu, “Tuan, makara' mai paat magagabau no naayag, nakaindagu Io, ‘Mopongo kataluan bayagon Aku saguli'.’

JUANIS 10:18

Kolondo' sangulun pana makapamatoi Raki' amon ru kalo iowon Ku. Maya' ra kasagaan Kuno galama' mampataak Aku ra painawo Kuno. Makakuasa' Aku mampataak ra painawo Kuno am maayag saguli'. Ginio noyo nanusuban Raki' ru Ama' Kuno.”

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 12:39

Kalo nakapangintopot ilo, sabap ra nakaindagu niayuk nabi Jisaya;

JUANIS 20:9

Sabap ra lakat poyo kalo nakarati' ilo ra ondo' tinulisan ra Buuk Kitab ra Io musiti' maayag saguli'.)

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 13:30

Kaa' binayag Io boo saguli' ri Aki Kapuuno' intor ra kapatayan.

RINALATAN 13:37

Kaa' ginio kalo nasauk Riso ondo' binayag saguli' ri Aki Kapuuno' intor ra kapatayan.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 2:32

I Jisus ti noyo ondo' binayag saguli' ri Aki Kapuuno' intor ra kapatayan. Akai ngaangai' sasi' ra baal raginio.

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

ROMA 10:9

Amon ru mangakun kau ra i Jisus noyo Tuhan am mangintopot toojo ra Io binayag saguli' ri Aki Kapuuno' intor ra kapatayan, bayagon kau.

ROMA 14:9

Ginio ra i Kristus minatoi am naayag saguli' koson masauk ra Tuhan ru ulun maayag am ulun namagatoi.

ROMA 4:24

kaa' ritakau niayuk. Itakau niayuk apuon ri Aki Kapuuno' koson ra ulun ondo' mobonsoi saguli' Riso, sabap ra mangintopot takau Riso ondo' nampakaayag ri Jisus, Tuhan takau, intor ra kapatayan.

ROMA 6:4

Paat ra itakau riniu', ginio noyo koson ra itakau pana linobong mabaya' Riso am magapu ra pinatayan Nali. Maa' raginio, mogondo' ri Kristus binayag intor ra kapatayan ralalom ru kuasa' matulai ri Ama', koson niayuk itakau makaili' ra kaayagan bagu.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

1 KORINTUS 15:15

Mulu' poyo amon ru ginio motopot, ilain ayuk koson magabau akai. Sabap ra mampatanou akai no ra i Aki Kapuuno' namayag saguli' ri Kristus intor ra kapatayan. Amon ru motopot ra ulun minatoi kalo bayagon saguli' intor ra kapatayan, i Kristus pana kalo binayag saguli'.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

1 KORINTUS 15:4

linobong io, kaa' nalupus nataluan binayag io saguli'. Ginio niayuk natulisan noyo ra Buuk Kitab.

1 KORINTUS 6:14

I Aki Kapuuno' namayag saguli' ra Tuhan Jisus intor ra kapatayan, mogondo' niayuk ritakau ra bayagon No saguli' ralalom ru kuasa' Nano.

2 KORINTUS 4:14

Nakapandai akai ri Aki Kapuuno', ondo' namayag saguli' ra Tuhan Jisus i, mamayag saguli' ramon mabaya' ri Jisus am niayuk magibit ritakau ngaangai' masisimpung Riso.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 1:20

Am kuasa' Nano ondo' soroi ritakau, nogondo' ra kuasa' ondo' pinaintalang paat ra Io namayag saguli' ri Jisus intor ra kapatayan am nangani' Riso panturungan ra tampilon pamiris Nano giu' ra suruga'.

KOLOSI 2:12

Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.