RINALATAN 2:20 - Tanou Moonsoi Timugon

²⁰ Mato ru orou lumondom, bulan lumia' koson ra raraa', ra kalo poyo Orou ru Tuhan, orou ondo' maayo am maatang toojo no rumatong.

RINALATAN 2:20 ပူးပေါင်းရင်းမြစ်များ

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JISAYA 13:15

Osoi-osoi marakop tobokon saboi matoi.

JISAYA 13:9

Orou ru Tuhan no matong, am paat raginio mampaabus Tuhan ra sangit Nano ondo' makalalaa' kaga'. Tana' ti masauk mapua', am moonong ulun makatula potoyon.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 34:8

Ginio noyo bulintok no Tuhan mamayag ra Sion am mansuli' ra pantula'-pantula' ru Sion.

JIRIMIA 4:23

Tantangin ku tana' ti – makito ra kolondo' atan pana am mapua'. Tingaanon ku limbowon – kolondo' noyo sinda.

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 3:14

Riribu ulun soroi giu' ra Limayak Pangakiman. Giu' no Orou ru Tuhan matong ra mataki'.

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 27:45

Paat ra tanga' ru orou, buoi talu nganjam pagun no liminondom.

MARKUS 13:24

“Mopongo orou kaimbalaan raginio, mato ru orou lumondom am bulan kolondo' binusasal.

LUKAS 21:25

“Gitio noyo tatandu' ru pamupusan no; mato ru orou, bulan am butitin kulawon. Ngaangai' ulun ru tana' ti malawo am malaa' ilo ra bobolos am kinulun ru raat.

RINALATAN 2:19

Mampakito aku ra kukula' kaimuagan giu' ra limbowon, am niayuk tatandu' ra tana' ti Mokoondo' raraa', apui am binuun ru lisun.

RINALATAN 2:21

Paat raginio, osoi ayuk makiindangan ra Tuhan, bayagon io.’

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

1 TISALONIKA 5:2

Sabap ra akau galama' nakapandai toojo ra ratangan ru Tuhan no ra pulali' kon ayuk, mogondo' ra ratangan ru sangulun mantatakou paat ra io rondom.

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

PINAINTALANG 16:8

Pasasaro' boo ru malaikat kaapat no suang ru sangkir nano ra mato ru orou suku' lasu' nano ra makalalaa' makapangumpo ra ulun.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.