RINALATAN 2:2 - Tanou Moonsoi Timugon

² Sangkinolor ragili morongog bolos intor ra rasawat koson ra bagiu' mapuor, am baloi ondo' nanturungan ru ulun-ulun no pana natikop ru bolos i.

RINALATAN 2:2 ပူးပေါင်းရင်းမြစ်များ

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

MAZMUR 18:10

Lapako' No limbowon am tuun Io ralalom ru gaun molondom ragana' ru kalayam Nano.

RIMBAI PANGAMPARAN 4:16

Luat no, alii ra angin ralayo. Siob no ra pagitatanaman kuno, alii ra angin rabugus; polosoo' noyo maamis owou muno iul-iul giu' ra limbowon. Gama' ru ambai kuno matong ra pagitatanaman kuno am mangakan ra kawa'-kawa' mangaamis.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

LUKAS 2:13

Pulusat boo ru masuang malaikat ra bokon intor ra suruga' nababaya' ra malaikat ra raitii' ni. Nongompor ilo ri Aki Kapuuno', konilo,

JUANIS 3:8

Angin sumoyob ra ati ayuk kasagaan nano; maining ayuk bolos no, kaa' kalo mapandayan mu intor kapoam ulian nano. Nogondo' niayuk baal ru ulun anakon saguli' ru Ambiluo ri Aki Kapuuno'.”

RINALATAN 2:3

Kakito nilo boo simbula' ru apui koson ra rila' mugar-ugar am minorop ra rasawat ru ulu nilai sigagama'.

RINALATAN 2:6

Pakaining ra bolos raginio, masuang ulun nantitimung boo ra giu' i. Ilo ngaangai' nakatigog mangining ra maamaya' ri Kristus mindagu ra ragu nilai sigagama'.

RINALATAN 4:31

Kopongo ilo makiasi', intok tinimungan nilai nauyog. Kinuasa' ilo ngaangai' ru Ambiluo ri Aki Kapuuno', am tumalimpuun ilo mampabala' ra tanou intor ri Aki Kapuuno' ra kalo malaa'.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.