RINALATAN 19:33 - Tanou Moonsoi Timugon

³³ Mokoondo' nangkara' ri Aliksandir ti namuun raginio, sabap ra io ti ondo' jinuulan ru ulun ru Jaudi ra saang ru ulun masuang. Ginio ra nangani' i Aliksandir ra ulun-ulun no ra pulanu maa' raginio mongkoror, am masaga' io mambala' risilo atan masauk.

RINALATAN 19:33 ပူးပေါင်းရင်းမြစ်များ

LUKAS 1:22

Paat ra io miningkual, kalo boo makaindagu io risilo, mambaal io ayuk ra tatandu' ra kalindu' mambala' risilo. Ilo pana nakapandai boo ra i Jakaria ti nakakito ra rondo' pagilangan intor ri Aki Kapuuno' ralalom ru Baloi Tuhan i.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 13:16

Bigor boo i Paulus am nangani' risilo ra pulanu am indagu io; “Pabukat kau ngaangai', ondo' ulun ru Israil am niayuk bansa' ru bokon ondo' sumamba ri Aki Kapuuno', rongogo' min pambalaan kutu ragitio:

RINALATAN 19:34

Kaa' pakapandai ilo ra io ti ulun ru Jaudi, pagagampan ilo nompogolok saboi ruo nganjam, konilo, “Katulai noyo i Artimis, dewi ru ulun Ipisus!”

RINALATAN 21:40

Nangiou io am i Paulus pana minigor ra tukar i am nangani' io ra ulun ra pulanu koson mongkoror. Pokopongkoror ilo, indagu boo i Paulus risilo ra ragu Ibrani.

RINALATAN 24:10

Pangani' boo gabenor no ra pulanu ri Paulus ra mabuli io mindagu. Kon ri Paulus, “Nakapandai aku ra nabuoi kou no nangakim ru pagun ti, ginio ra maansayan aku magisaung ra saang muno.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

1 TIMOTIUS 1:20

Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.