RINALATAN 19:27 - Tanou Moonsoi Timugon

²⁷ Ginio kalaanin takau raino ti, sabap ra maaru' kondoyon takau kalaatin ru ulun. Sala' ka ginio ayuk, kaa' kuil Artimis niayuk kalo boo urumaton ru ulun am katulayan nano lumiot – kabalu' pana sambaan io ru ngaangai' ulun giti ra Asia am ngaangai' pagun ru tana' ti!”

RINALATAN 19:27 ပူးပေါင်းရင်းမြစ်များ

JISAYA 44:17

Suwo ru tataun no baalon ra sinungkalalaing, am igugulatur am sumamba io. Makiasi' io ra sinungkalalaing no am mindagu, “Okou noyo tuhan kuno; bayago' aku no!”

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

RINALATAN 19:10

Sabuoi ruo ngambilor io nambaal raginio am ngaangai' ulun ra pagun ru Asia, io no ulun ru Jaudi am niayuk ulun sala' ka Jaudi, nokorongog niayuk ra bala' intor ra Tuhan.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

PINAINTALANG 13:3

Rondo' intor ra tulu' ulu no makito koson mokoondo' pilat maayo ondo' makapatoi, kaa' pilat no napali' noyo. Ngaangai' ulun ru tana' ti nangimuag ra bibiag masigo no, am baya' ilo boo riso.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 14:9

Kopongo malaikat karuo no sunu' malaikat katalu ondo' minindagu ra bolos mosongou, “Osoi ayuk sumamba ra bibiag masigo no mabaya' ra sinungkalalaing nano am tinatanduan ra rabas kapoam kalindu' nano; ilo no ukumin toojo ri Aki Kapuuno' – mogondo' ra ulun jajalin gauko' ra wain mabisa'.