RINALATAN 19:18 - Tanou Moonsoi Timugon

¹⁸ Masuang ulun ondo' raino ti mangintopot ri Jisus nangiou ra saang ru ulun masuang ra kalaatan ondo' binaal nilo ragili.

RINALATAN 19:18 ပူးပေါင်းရင်းမြစ်များ

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

IMAMAT 16:21

Musiti' i Arun mapabanta' ra karuo-ruo kalindu' nano ra rasawat ru ulu ru kambing no am mangiou ra ngaangai' kalaatan, tula am ginuaran ru ulun ru Israil. Ginio noyo ra ngaangai' tula ru ulun ru Israil patapikon ra rasawat ru ulu ru kambing no. Musiti' kambing no anjungon boo giu' ra tana' kaagisan ru sangulun ondo' sinusub noyo mapaugar raginio.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

RINALATAN 19:17

Ngaangai' ulun ru Jaudi am sala' ka Jaudi ondo' minayan ra Ipisus i nangalaa' paat ra ilo nokorongog ra nasauk i. Ginio ra inggalan ru Tuhan Jisus ti inompor poyo.

RINALATAN 19:19

Ilo ondo' mapandai mangilong, nanimung ra buuk igigilaan nilo am solobo' ra saang ru ulun masuang. Logo ru ngaangai' buuk no mokoondo' lair limo ngoopor ngaribu ruit pirok.

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.