RINALATAN 19:11 - Tanou Moonsoi Timugon

¹¹ Ralalom baalon ri Paulus i Aki Kapuuno' nambaal ra kukula' kaimuagan ondo' mapakabunduk toojo ra guang ru ulun masuang.

RINALATAN 19:11 ပူးပေါင်းရင်းမြစ်များ

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

RINALATAN 16:18

Ginio binaal no ra kukula' ngoorou buoi, saboi kalo boo tumaan i Paulus. Ginio ra, pangkaili io am indagu ra riwato no, “Ralalom inggalan ri Jisus Kristus, susubon tokou: Ingkual kou intor ra ruandu' no!” Paat ragili niayuk riwato no miningkual.

RINALATAN 5:12

Masuang kaimuagan am tatandu' sinauk ru rasul-rasul ra gino ngai' ru ulun masuang. Ngaangai' maamaya' ri Jisus masalok tumimung ra Langgar Salomo.

RINALATAN 8:13

I Simon galama' pana nangintopot ra Tanou raginio. Kariu' io raiti am baya' io ayuk boo ri Pilipus, am nangimuag io nakakito ra tatandu' am kaimuagan ondo' binaal ri Pilipus.

GALATIA 3:5

Ginio poyo, nangani' i Aki Kapuuno' ra Ambiluo Nano ramuyun am nambaal ra kaimuagan ra tatanga' min i, sabap ra nokorongog am nangintopot kau ra Tanou Moonsoi no. Am sala' ka ra akau nampagagaya' ra Ukum ri Musa no.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.