RINALATAN 18:9 - Tanou Moonsoi Timugon

⁹ Sarandaman ragili, ralalom pagilangan minindagu Tuhan ri Paulus, kono, “Pai' kalaa'! Pai' langgai' pangilaan muno,

RINALATAN 18:9 ပူးပေါင်းရင်းမြစ်များ

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

JUNUS 3:2

Indagu Tuhan, “Ongoi no ra Niniwi, bandar maayo no. Balai' mamagun ru bandar no ra tanou ondo' taakin Ku rirun ti.”

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

RINALATAN 18:10

sabap ra mabaya' Aku rirun. Kolondo' sangulun pana mampakaruol rirun sabap ra masuang ulun Kuno ra bandar ti.”

RINALATAN 22:18

ioginio, nakakito aku ra Tuhan am minindagu Io raki', ragu Nano, ‘Ribaki', iruani' Jirusalim ti ra mataki', sabap ra ulun ragiti kalo mangapu ra kaintutunan muno intor Raki'.’

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”

RINALATAN 9:10

Giu' ra Damsyik i mokoondo' sangulun maamaya' ri Jisus makainggalan ri Ananias. Ralalom rondo' pagilangan nakakito io ra Tuhan nampiau riso, ragu Nano, “Ananias!” Taam i Ananias, “Iou Tuhan, giti aku.”

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.