RINALATAN 18:6 - Tanou Moonsoi Timugon

⁶ Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

RINALATAN 18:6 ပူးပေါင်းရင်းမြစ်များ

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

1 RAJA'-RAJA' 2:33

Ukuman ra namatayan ra ruo ngaulun tutumula' no saanin ri Joab am papag nano saboi ra sabuoi-buoi no. Kaa' masalok Tuhan mangani' ra kasugutan ra papag ru Raja' Daut ondo' nanturung ra kurisi' nano.”

NIGIMIA 5:13

Kopongo raginio iruo' ku abot am pakabulo' ginio ra saang nilo, am mindagu, “Gitio noyo ralan ri Aki Kapuuno' mangabul ra moonong ulun ra gino ngai' min ondo' kalo nanugut ra bantu' nano. Alapon ri Aki Kapuuno' baloi ru ulun no am ngaangai' longgom nano, saboi ulun no kolondo' longgom ra atan pana.” Ngaangai' ulun ondo' siminaang ra giu' no mindagu, “Amin!” am pongompor boo ra Tuhan. Tingganai-tingganai no pana nanugut ra bantu' nilo.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 33:4

Osoi ayuk mokorongog ra bolos tatandu' makalalaa' no kaa' kalo mampalio raginio, am pantula' matong am mamatoi ra ulun no, io pana matoi sabap ra kasalaan nano galama'.

YEHEZKIEL 33:6

Kaa' amon ru ulun magagalung no nakakito ra pantula' matong am kalo mampagia' ra tatandu' makalalaa', matong boo pantula' am mamatoi ra ulun makatula, karaan Ku ulun magagalung no mansaan ra pinatayan nilo.

IMAMAT 20:9

Nanaak Tuhan ra aturan ragitilo, “Osoi magulas ra ama' nano kapoam ina' nano musiti' ukumin ra matoi. Matoi ulun no sabap ra kasalaan nano galama'.

MATIUS 10:14

Amon ru mokoondo' baloi kapoam bandar ondo' kalo mangapu am mangkirongog ra ragu mino, iruani' min noyo intok raginio am kabuli' min noyo kaau ru kasut mino.

MATIUS 21:41

Taam ilo, “Maaru' potoyon no ngaangai' ulun malaat i, am pasiwain no boo umo ru anggur nano ra ulun bokon ondo' masaga' mantayar ra nakumos i paat masuku' orou pantayaran.”

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

MATIUS 22:10

Ulipon-ulipon no pana ugar boo. Ongoi ilo ra ralan mangaayo am timungo' nilo ngaangai' ulun ra nauma' nilo ra giu' ni, ondo' moonsoi kapoam malaat. Nososok boo intok ru bunsag paguatan i ra tambului.

MATIUS 27:25

Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

LUKAS 22:65

Am masuang poyo ragu nilo magasab ri Jisus.

LUKAS 9:5

Ati ayuk intok kalo mangapu ramuyun, iruani' min am kabuli' min kaau ru kasut mino koson mampakara' toojo risilo.”

RINALATAN 13:51

Ginio ra kabuli' nilo jamol ru kalayam nilai ra saang ru ulun-ulun no koson rondo' pangkaraan intor ra paliso malaat nilai. Kakabuli' nilo ayuk am ugar ilo boo ongoi ra Ikonium.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

ROMA 3:29

Ginio ra i Aki Kapuuno' intopoton ru ulun ru Jaudi ayuk kia? Maaru' kalo! Intopoton Io niayuk ru ulun sala' ka Jaudi.

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.

1 PITRUS 4:4

Kaa' raino maliangan boo ulun ondo' kalo mangintopot ra Tuhan ra kalo boo maya' kau ra jajou nilo. Ginio nai puun ra ilo magasab boo ramuyun.