RINALATAN 18:4 - Tanou Moonsoi Timugon

⁴ Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 18:4 ပူးပေါင်းရင်းမြစ်များ

KASAUKAN 9:27

Gama' ru ruangin ri Aki Kapuuno' barakat Nano ri Japit am kalangkaan ayanan nano. Gama' ru papag nano masimpung mayan ra papag ri Siim. Masauk i Kanaan ra uliponon ri Japit.”

2 TUNUNG RU BANSA' ISRAIL 32:11

Nambala' Raja' Gijkia ramuyun ra Tuhan, i Aki Kapuuno' min mamayag ramuyun intor ra kuasa' mai, kaa' Raja' Gijkia namparuung ramuyun. Mompoloso io ramuyun matoi ra bitilan am paason.

LUKAS 16:31

Kaa' taam i Abragam riso, ‘Amon ru kalo mangkirongog ilo ra kaintutunan ri Musa am nabi-nabi, kalo niayuk mangintopot ilo kabalu' pana mokoondo' maayag saguli' intor ra kapatayan.’ ”

LUKAS 4:16

Kopongo ragili, ongoi i Jisus ra Nasarit, intok nasukaran Nali. Paat ra orou Sabat, maya' ra kaindalaman Nano, mongoi Io ra baloi sambayangan. Bigor Io koson mambasa' ra Buuk Kitab,

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 14:1

Giu' ra Ikonium pana nogondo' ayuk nasauk: Minongoi i Paulus am i Barnabas ra baloi sambayangan am sabap ra pambalaan nilo masuang ulun ru Jaudi am sala' ka Jaudi pana nangintopot ri Jisus.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

RINALATAN 17:17

Ginio boo ra, nakimansusunur i Paulus baal raginio giu' ra baloi sambayangan ra ulun ru Jaudi am ulun sala' ka Jaudi pana ondo' sumamba ri Aki Kapuuno'. Giu' ra pasar niayuk moonong orou nakimansunur io ra osoi ayuk mokoondo' ra giu' i.

RINALATAN 18:13

Nanguu' ilo riso, konilo, “Ulun ti nanusuk ra ulun masuang sumamba ri Aki Kapuuno', kaa' pangilaan nano kalo nogondo' ra ukum mai.”

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

RINALATAN 26:28

Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.