RINALATAN 18:27 - Tanou Moonsoi Timugon

²⁷ I Apolos pana makaguang boo mongoi ra Akaya. Ginio ra ulun Kristian ra Ipisus nanulis ra surat posoboyon ra ulun Kristian ra Akaya koson ra apuon nilo i Apolos ti. Pakasuku' ra giu' i, pangindanganan nali totopot mokoonong ra ulun Kristian, ondo' ralalom ru kataawan ri Aki Kapuuno' nangintopot ri Jisus.

RINALATAN 18:27 ပူးပေါင်းရင်းမြစ်များ

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 15:34

Kaa' i Silas ti siminoroi ayuk boo ra giu' i.]

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

RINALATAN 9:27

Kaa' inindangan io ri Barnabas ondo' nagibit riso paumaa' ra rasul-rasul. Tunungo' ri Barnabas risilo ati kulaan i Saulus nakakito ra Tuhan ra tanga' ru ralan am ati kulaan Tuhan minindagu riso. Nambala' io niayuk ra ati kulaan i Saulus makakau' toojo nampasaboi ra Tanou Moonsoi intor ri Jisus giu' ra Damsyik.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 16:3

Ginio ra paat ra aku mokoongoi ramuyun, poongoyon ku ulun ondo' kalansanin min ra bandar Jirusalim, mabaya' ra surat pangiawan am ruit paindanganon min.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

PILIPI 1:25

Am gitio noyo kapandayan am kalansanan kutu ra lakat aku po niayuk sumoroi mabaya' ramuyun, maa' raginio pangintapatan min maikang boo mabaya' ra kaansukan.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

KOLOSI 2:12

Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.

KOLOSI 4:10

I Aristarkus ondo' inaput nabaya' raki' ti mampasaboi ra bilin kaansayan ramuyun. Am niayuk ri Markus, pantukir ri Barnabas. (Nambilin aku no ra amon ru mongoi i Markus ramuyun, apuo' min io.)