RINALATAN 18:26 - Tanou Moonsoi Timugon

²⁶ Makakau' io toojo mangila' ra baloi sambayangan. Paat i Prisila am i Akwila nakaining ra pangilaan nali, ibito' nilo io ra baloi nilai am pambala' riso ra motopot toojo intor ra pamayagan ri Aki Kapuuno' ralalom inggalan ri Jisus.

RINALATAN 18:26 ပူးပေါင်းရင်းမြစ်များ

AMSAL 1:5

Intor ra amsal ragitio ulun mapintar pana rumuang katutunan nano, am ulun makainigilaan mokoowot ra pangilaan.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 9:9

Amon ru mambilin kau ra ulun mapintar, ulun no rumuang pintar nano. Atan ayuk pana pangilaan min ra ulun ondo' gumagaya' ri Aki Kapuuno' katutunan nano rumuang.

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

MARKUS 10:15

Balain takamin! Sotopot no Osoi kalo mangapu ra pamarintaan ri Aki Kapuuno' koson ra sangulun lalaing, ulun raginio kalo masauk ra ulun ri Aki Kapuuno'.”

LUKAS 19:26

Taam ru raja' i, ‘Balain takamin: Osoi ayuk mokoondo' masuang, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 18:25

Inila' io no ra pangilaan intor ra Tuhan. Mapirot io toojo mampasaboi pangilaan ri Jisus ondo' motopot, kaa' koson ra pampariwan, pangilaan ri Juanis ayuk napandayan nali.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 8:31

Taam ulun no, “Ati kulaan aku mangarati' amon ru kolondo' ulun mapaintutun raki'?” Kimaiti' no boo i Pilipus siminakoi, am pagumbir ilo nanturung.

1 KORINTUS 12:21

Ginio boo ra mato mailo mindagu ra kalindu', “Kalo mokoonong kou raki'.” Kapoam ulu mailo mindagu ra kalayam, “Kalo mokoonong kou raki'.”

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 8:2

Ulun ondo' indoson no makakapandayan io no toojo, sotopot no kalo poyo natutunan no ngaangai'.

IBRANI 6:1

Ginio ra, tatango' takau noyo puun ru pangilaan Kristian no am sumingkot poyo ra pangilaan malandom. Pai' takano ruli'-ruli' makiila' poyo ra puun pangilaan, koson tumalikur intor ra baal ra kolondo' onong, mangintopot ri Aki Kapuuno',

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.