RINALATAN 18:24 - Tanou Moonsoi Timugon

²⁴ Mokoondo' poyo sangulun ru Jaudi makainggalan i Apolos. Io inanak ra bandar Aliksandria am bagu io ayuk minongoi ra Ipisus. Mapintar io toojo mindagu am niayuk makaintutun toojo ra ragu ru Buuk Kitab.

RINALATAN 18:24 ပူးပေါင်းရင်းမြစ်များ

IJRA 7:12

“Intor ra Raja' Artasasta posoboyon ra Imam Ijra, ondo' mapandai kaga' ra Ukum ri Aki Kapuuno' panguasa' giu' ra suruga'.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

JISAYA 3:3

buayoi tutumula' am ulun makainggalan maayo, ulun pulitik, ulun mapandai kaga' ra sihir am mapandai kaga' mangilong.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

RINALATAN 18:21

Indagu io, “Amon ru iowon aku ri Aki Kapuuno', sumaguli' aku po ra giti.” Io pana nasundoi boo intor ra Ipisus ti.

RINALATAN 18:28

Mapintar io toojo manggal ra ulun ru Jaudi ralalom pantataaman ra saang ru ulun masuang. Mampaintopot io risilo intor ra ragu ru Buuk Kitab ra i Jisus ti noyo Mamamayag ondo' sinusub i.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

RINALATAN 27:6

Giu' i, natuum ru tingganai ru saujor no rondo' kapal intor ra Aliksandria ondo' masundoi mongoi ra Itali. Ginio ra pabandingo' no akai ra kapal raginio.

RINALATAN 6:9

Kaa' mokoondo' niayuk kukula' ngaulun manggal riso. Ilo no intor ra baloi sambayangan ondo' sabiton ra ‘Pasisimpungan ru Ulun Pinalabus’. Ilo ti am ulun ru Jaudi intor ra Kirini am Aliksandria, am poyo intor ra Kilikia am niayuk Asia. Ilo ngaangai' ti nakimansangor ri Stipanus.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 16:12

Koson ra pangkuatan min intor ri Apolos: ingkukula' aku no panunusub riso mongoi ramuyun mabaya' ra pabukat Kristian ra bokon, kaa' kolondo' poyo katasuan nano mongoi raino. Paat ra io makakatasuan, maaru' mongoi io.

1 KORINTUS 4:6

Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.

2 KORINTUS 10:10

Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

TITUS 3:13

Pirot kono toojo pamintor ri Jinas, peguam i am niayuk i Apolos. Am ilain mu toojo ra mokoondo' ngaangai' ondo' maatang ibiton nilo.