RINALATAN 18:18 - Tanou Moonsoi Timugon

¹⁸ Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

RINALATAN 18:18 ပူးပေါင်းရင်းမြစ်များ

UNTABAN 6:18

Ulun Nazir no musiti' sukurin abuk nano giu' ra kulobon ru Kim ru Tuhan, am papatiron abuk no ralalom ru apui ondo' tatanga' monolob ra taak simbalui koson makibarakat ra Tuhan.

UNTABAN 6:2

manaak ra aturan ragitilo ra ulun ru Israil. Paat ra sangulun ungkuyon kapoam ruandu' mokoondo' ra nazar koson patimpokon inan tayar ra Tuhan koson ulun Nazir,

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MARKUS 6:46

Pakatuliar Io ayuk intor risilo, ongoi Io ra bulur koson makiasi'.

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 18:2

Giu' i nakatuum io ra sangulun ru Jaudi makainggalan ri Akwila nabaya' ra andu' nali, i Prisila. Intor nilo am pagun Pontus kaa' minayan ilo ra bandar Roma giu' ra pagun Itali. Bagu ilo ayuk poyo minatong ra Korintus sabap ra Kaisar Klaudius napaingkual ra ngaangai' ulun ru Jaudi intor ra Roma. Ongoi i Paulus tuum risilo

RINALATAN 18:26

Makakau' io toojo mangila' ra baloi sambayangan. Paat i Prisila am i Akwila nakaining ra pangilaan nali, ibito' nilo io ra baloi nilai am pambala' riso ra motopot toojo intor ra pamayagan ri Aki Kapuuno' ralalom inggalan ri Jisus.

RINALATAN 18:27

I Apolos pana makaguang boo mongoi ra Akaya. Ginio ra ulun Kristian ra Ipisus nanulis ra surat posoboyon ra ulun Kristian ra Akaya koson ra apuon nilo i Apolos ti. Pakasuku' ra giu' i, pangindanganan nali totopot mokoonong ra ulun Kristian, ondo' ralalom ru kataawan ri Aki Kapuuno' nangintopot ri Jisus.

RINALATAN 21:23

Ginio poyo, moonsoi gagayaan mu bilin mai ti. Mokoondo' apat ngaulun ragiti ondo' nagibot ra Tuhan.

RINALATAN 21:24

Moonsoi ru maya' kou risilo mampaugar ra kaulayan pangimpasawan am mamalanja' kou risilo, am mabulutan ilo. Gitio noyo mampatutun ra ulun ra atan ondo' naining nilo intor rirun i kalo motopot. Sabap ra okou galama' pana gumagaya' ra Ukum ri Musa.

RINALATAN 21:3

Ugar akai saboi naimpal mai pulu' Siprus, kaa' narayus akai ayuk ra Siria. Asak akai boo ra Tirus sabap ra kapal ondo' sinakayan maili nampatuun ra kuliamos ra giu' i.

ROMA 16:1

Giti masaga' aku mampaulig ramuyun ra pabukat takau ra i Pibi, ondo' mangindangan ra pasimpungan ulun Kristian giu' ra bandar Kingkiria.

1 KORINTUS 9:20

Ginio ra amon ru sumimpung aku ra ulun ru Jaudi, paliso ku koson ayuk ra ulun ru Jaudi, maa' raginio makapangkimait aku risilo mangintopot ri Kristus. Am niayuk ra ulun ondo' sumugut ra Ukum ri Musa, aku pana ilain koson ayuk risilo, kabalu' pana kalo boo. Kaayagan kuno koson raginio, maa' raginio makapangkimait aku risilo mangintopot ri Kristus.

GALATIA 1:21

Kopongo ragili, ongoi aku boo ra pagun Siria am Kilikia.