RINALATAN 17:32 - Tanou Moonsoi Timugon

³² Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

RINALATAN 17:32 ပူးပေါင်းရင်းမြစ်များ

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

LUKAS 14:18

Kaa' rorondo' ilo makimaap ra kalo mokoongoi ilo. Ondo' kasaa' i nambala' ra ulipon no, ‘Nambali bagu aku ra sampila' tana'. Musiti' aku mongoi pagilong. Makimaap aku ra kalo mokoongoi!’

LUKAS 22:63

Ulun ondo' namparakop ri Jisus i nangiis am nampalamba' Riso.

LUKAS 23:11

Iniis am inasaban Io ri Irodis am saujor-saujor nano. Pambayango' nilo Io ra sukub moonsoi ru raja' am paatari' no saguli' ri Pilatus.

LUKAS 23:36

Saujor-saujor no pana nangiis Riso am inggaari' am anii' nilo i Jisus ra wain ondo' mataris.

RINALATAN 13:41

‘Ilai' min, ulun magagasab! Pangimuag am kapuso kau! Sabap ra raino ti mokoondo' saukon Kuno poyo ondo' kalo lair intopoton min, ra kabalu' pana mokoondo' noyo ulun mambala' ramuyun.’ ”

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 17:33

Ingkual boo i Paulus.

RINALATAN 2:13

Kaa' mokoondo' niayuk magasab ra maamaya' ri Kristus, konilo, “Ulun-ulun raginio nangagauk ayuk!”

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 25:19

Kaa' atan ondo' nagansangan nilai ti iono kinibit ayuk ru ugama nilo galama' am niayuk sangulun ungkuyon makainggalan i Jisus, ondo' minatoi noyo, kaa' karaan ri Paulus ra naayag io kunu'.

RINALATAN 26:8

Kua ramuyun ti ulun ru Jaudi? Kua kalo makapangintopot kau ra ulun matoi bayagon saguli' ri Aki Kapuuno'?

1 KORINTUS 1:23

Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

1 KORINTUS 4:10

Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

IBRANI 11:36

Mokoondo' poyo inasaban am linapos, am mokoondo' binangkil am inaput.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.