RINALATAN 17:31 - Tanou Moonsoi Timugon

³¹ Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 17:31 ပူးပေါင်းရင်းမြစ်များ

MAZMUR 9:8

Kaa' Tuhan noyo mamarinta ra sabubuoi no; am binaal No panturungan Nano koson mangakim ra tana' ti.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

LUKAS 22:22

Anak ru Ulun matoi koson ra inaru' ri Aki Kapuuno'; kaa' aibui boo ra usung ru ulun ondo' mampataak Riso!”

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

JUANIS 16:10

Mampainono' Io ra Aku motopot, sabap ra mongoi Aku ri Ama' am kalo boo makito min Aku.

JUANIS 5:27

Nangani' Io ra Anak ra kuasa' mangakim, sabap ra Io no Anak ru Ulun.

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 17:32

Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

RINALATAN 2:32

I Jisus ti noyo ondo' binayag saguli' ri Aki Kapuuno' intor ra kapatayan. Akai ngaangai' sasi' ra baal raginio.

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

IBRANI 6:2

pampariwan, mapabanta' ra kalindu' ra ulu ru ulun, sauk ru kaayagan saguli' ru ulun minatoi am poyo ra pangukuman mantilayun.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.