RINALATAN 17:28 - Tanou Moonsoi Timugon

²⁸ Sabap ra kon ru ulun, ‘Maayag am mugar takau am soroi ra tana' ti sabap ra kuasa' Nano.’ Mogondo' niayuk ra kukula' lulupot mino, konilo, ‘Itakau ti ngaangai' anak Nano.’

RINALATAN 17:28 ပူးပေါင်းရင်းမြစ်များ

AYUP 12:10

I Aki Kapuuno' makakuasa' ra kaayagan ru ilo ondo' maayag inangun Nano; painawo ru moonong ulun ralalom kalindu' ri Aki Kapuuno'.

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

MAZMUR 66:9

Inalungan No akai maa' raginio kalo imboloon akai, am kalo polosoon No akai kalaan.

JIRIMIA 38:16

Ginio ra kalinuos ayuk ru Raja' Jidikia nambantu' raki', “Magibot aku ralalom inggalan ru Tuhan ondo' maayag, ondo' nangani' ritakau ra painawo, ra kalo ukumin tokou ra matoi kapoam pataakon kou ra ulun ondo' masaga' mamatoi rirun.”

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

LUKAS 20:38

I Aki Kapuuno' sala' ka Tuhan ondo' sambaan ru ulun minatoi, kaa' ulun maayag, sabap ra pagilangan ru Tuhan ngaangai' ulun maayag ayuk.”

LUKAS 3:38

I Kinan anak ri Inos, i Inos anak ri Sit, i Sit anak ri Adam am i Adam anak ri Aki Kapuuno'.

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

KOLOSI 1:17

I Jisus Kristus noyo nakasigulu soroi intor ra ngaangai' no am sabap Riso ngaangai' posoroyon ra intok nilo sigagama'.

TITUS 1:12

Nakaili' niayuk sangulun nabi nilo galama' minindagu ra: “Ulun ru Krita masalok maabau-abau, malaat ilo kaga' koson ra bibiag masigo, moroot kaga' am mangatiar toojo.”

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.