RINALATAN 17:26 - Tanou Moonsoi Timugon

²⁶ Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

RINALATAN 17:26 ပူးပေါင်းရင်းမြစ်များ

KASAUKAN 3:20

Inggalani' ri Adam andu' nano i Awa sabap ruandu' raginio noyo masauk ra ina' ru ngaangai' ulun.

KASAUKAN 9:19

Katatalu anak ri Nuu ti noyo kinamatuaan ru ngaangai' ulun ru tana' ti.

AYUP 12:23

Sinauk No bansa'-bansa' maikang am mapanggol, kaa' kalupus raginio nampaala am namuso risilo.

AYUP 14:5

Inaru' Mu noyo umur ru ulun; inaru' Mu noyo suang ru sila' nano. Inaru' Mu noyo polos ru bayag nilo; kalo lair matundangan nilo ginio.

MAZMUR 31:15

Kaa' malansan aku Rirun, iou Tuhan; Okou noyo i Aki Kapuuno' kuno.

MAZMUR 74:17

inaru' Mu pambaitan ru tana' ti; binangun Mu bulintok malasu' am bulintok masimu'.

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 34:17

Tuhan noyo mantayar ra tana' ra ilo ngai' ondo' maayag no; moonong nilo matayaran, am mayan ra tana' no ra sabuoi-buoi no am niayuk mompolonggom ra tana' no ra papag ka papag.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

DANIL 11:27

Ruo ngaulun raja' no pana manturung boo am mabaya' mangakan ra rondo' mija', kaa' guangon nilo malaat. Mamparuung ilo ra rondo' am bokon, kaa' kalo makasugut ilo sabap ra kalo poyo nasaboi jam nilo.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

1 KORINTUS 15:22

Ginio boo ra itakau ulun mapandai matoi sabap ra nakaaya' takau ra tula ri Adam; am koson niayuk ra itakau ngaangai' ti bayagon saguli' sabap ra nakaaya' takau ri Kristus.

1 KORINTUS 15:47

I Adam kasaa' binaal intor ra tana', kaa' i Adam kainduo no, intor ra suruga'.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.